Hoppa yfir valmynd
Kennsla og rannsóknirHöfuðborgarsvæðið202004/802Háskóli Íslands

Starf rannsóknarlektors tengt nafni Stephans G. Stephanssonar við námsbraut í ensku innan Mála- og menningardeildar

Starf rannsóknarlektors tengt nafni Stephans G. Stephanssonar við námsbraut í ensku innan Mála- og menningardeildar


Laust er til umsóknar starf rannsóknarlektors tengt nafni Stephans G. Stephanssonar við námsbraut í ensku innan Mála- og menningardeildar. Auglýst er eftir fræðimanni með sérþekkingu á nútímabókmenntum með áherslu á fjölmenningarlegar bókmenntir og innflytjendabókmenntir. 

Um er að ræða fullt starf og í því er fólgin 40% rannsóknarskylda.


Helstu verkefni og ábyrgð
Rannsóknarlektornum er ætlað að sinna rannsóknum á sviði innflytjendabókmennta, þar með talið á bókmenntum íslenskra innflytjenda og afkomenda þeirra í Norður-Ameríku og bókmenntum innflytjenda á Íslandi. Einnig mun rannsóknalektorinn sjá um kennslu, leiðsögn og umsjón með samstarfi við Íslenskudeild Manitobaháskóla samkvæmt samningi Háskóla Íslands við Manitobaháskóla. Í samstarfinu felst: umsjón bókmenntanámskeiða við Íslenskudeild Manitóbaháskóla; leiðsögn lokaverkefna nemenda við Íslenskudeild Manitóbaháskóla; umsjón með samstarfsráðstefnu skólanna, skiptinámi og sumarnámskeiðum nema frá Manitobaháskóla við Háskóla Íslands. Rannsóknarlektorinn mun einnig hafa umsjón með fjáröflun fyrir styrktarsjóð í nafni Stephans G. Stephanssonar við Háskóla Íslands.


Hæfnikröfur
>>Doktorspróf í nútímabókmenntum, fjölmenningarfræðum eða sambærilegum fræðum með áherslu á innflytjendabókmenntir eða fjölmenningarlegar bókmenntir.
>>Hæfni og virkni í rannsóknum og alþjóðlegu fræðastarfi.
>>Reynsla af háskólakennslu og stjórnun sem fellur að helstu verkefnum starfsins.
>>Góð tal- og ritfærni í íslensku og ensku.
>>Góða samstarfshæfni og lipurð í mannlegum samskiptum.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið frá 1. september 2020 til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. 

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009. Samkvæmt 38. gr. reglnanna er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði.

Umsækjendur skulu láta fylgja umsókn sinni 1) vottorð um námsferil sinn og störf, 2) akademíska ferilskrá (Curriculum Vitae), 3) ritaskrá, 4) skýrslu um vísindastörf og önnur störf sem þeir hafa unnið, 5) greinargerð um rannsóknaráform ef til ráðningar kemur og 6) upplýsingar um þrjá mögulega umsagnaraðila sem hafa má samband við. Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Einnig er nauðsynlegt að í umsókn komi fram hvaða verkefnum umsækjendur hafa unnið að, hverju þeir vinna að sem stendur og hver séu áform þeirra um rannsóknarverkefni ef af ráðningu yrði. 

Umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.


Starfshlutfall er 100%
Umsóknarfrestur er til og með 08.06.2020


Nánari upplýsingar veitir
Guðmundur Hálfdánarson - [email protected] - 525 4000



Mála- og menningardeild
Sæmundargötu 4
101 Reykjavík



Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira