Hoppa yfir valmynd
Kennsla og rannsóknirHöfuðborgarsvæðið202004/825Háskóli Íslands

Aðjunkt í tómstunda- og félagsmálafræði. Háskóli Íslands, Menntavísindasvið. Reykjavík

Aðjunkt í tómstunda- og félagsmálafræði. Háskóli Íslands, Menntavísindasvið. Reykjavík


Laust er til umsóknar fullt starf aðjunkts við Menntavísindasvið Háskóla Íslands í tómstunda- og félagsmálafræði. Í starfinu felst kennsla, rannsóknir og þátttaka í áframhaldandi mótun náms í tómstunda- og félagsmálafræði. 


Helstu verkefni og ábyrgð
>>Kennsla á grunnstigi og leiðsögn með BA nemum.
>>Þátttaka í rannsóknum á sviði tómstunda- og félagsmálafræða.
>>Að vera leiðandi og skapandi á sviði rannsókna sem tengjast fræðilegum grunni tómstundastarfs og hagnýtingu slíkrar þekkingar. 
>>Að byggja upp samstarf við starfsvettvang, s.s. fagfólk og leiðandi aðila sem starfa á sviði tómstunda- og æskulýðsstarfs, frístundaheimila, grasrótarhreyfinga, valdeflingar og virkni ungra innflytjenda og annarra jaðarhópa og skyldrar starfsemi.


Hæfnikröfur
Umsækjendur skulu hafa lokið meistaraprófi á vettvangi mennta- og/eða félagsvísinda sem nýtist í starfinu. Nauðsynlegt er að umsækjandi hafi haldgóða þekkingu og reynslu af störfum á vettvangi tómstunda- og/eða æskulýðsstarfs. Sérstaklega er leitað eftir fólki með menntun, reynslu og sérþekkingu á einu eða fleirum af eftirfarandi sviðum: Fagþróun og fagmennsku á vettvangi tómstunda, hlutverk, starfshættir og gildi frístundaheimila, staða og málefni ungra innflytjenda og jaðarhópa, jafnréttismál, málefni grasrótarhreyfinga, stjórnun og stefnumótun.

Mikil áhersla er á að sá sem starfið hlýtur hafi góða færni í kennslu og rannsóknum og hafi skýra sýn um hlutverk sitt á sviðinu. Þá er krafist góðrar samstarfshæfni og lipurðar í mannlegum samskiptum. Horft verður til þess að umsækjendur falli sem best að þörfum og aðstæðum námsbrautar í tómstunda- og félagsmálafræði og sviðsins alls. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Ráðið verður í starfið til tveggja ára. Gert er ráð fyrir að ofangreint starf verði veitt frá 1.jJúlí 2020 eða samkvæmt nánara samkomulagi. 

Umsóknum þarf að fylgja 1) greinargóð skýrsla um kennslureynslu umsækjanda og sýn hans á kennslu og kennsluþróun, 2) yfirlit yfir rannsóknir og ritsmíðar (ritaskrá) og fyrirhugaðar rannsóknir, svo og 3) yfirlit um námsferil og störf (curriculum vitae). Ennfremur er ætlast til þess að umsækjendur láti fylgja með umsagnir um kennslu- og stjórnunarstörf sín, eftir því sem við á.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er stærsta kennslu-, rannsókna- og vísindastofnun Íslands. Háskólinn veitir nemendum víðtæka menntun á öllum helstu fræðasviðum og þjónar stofnunum, fyrirtækjum og stjórnvöldum í þágu almannaheilla. Háskóli Íslands býður fjölbreytt nám á öllum stigum og er eini háskóli landsins sem býður grunnnám og framhaldsnám á öllum helstu fræðasviðum. 

Á Menntavísindasviði fer fram rannsóknartengt starfsnám fyrir kennara á leik-, grunn- og framhaldsskólastigi, uppeldis- og menntunarfræðinga, íþrótta- og heilsufræðinga, tómstunda- og félagsmálafræðinga, og þroskaþjálfa. Lögð er áhersla á rannsóknir og þróunarstarf sem unnið er í samstarfi við starfsvettvang. 


Starfshlutfall er 100%
Umsóknarfrestur er til og með 02.06.2020


Nánari upplýsingar veitir
Jakob Frímann Þorsteinsson - [email protected] - 525 4000



Menntavísindasvið
Stakkahlíð
105 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira