Hoppa yfir valmynd
HeilbrigðisþjónustaHöfuðborgarsvæðið202004/870Landspítali

Aðstoðardeildarstjóri við Sjúkraþjálfun Landspítala Landakoti


Aðstoðardeildarstjóri við Sjúkraþjálfun Landspítala Landakoti


Landspítali leitar eftir kraftmiklum og skipulögðum sjúkraþjálfara í starf aðstoðardeildarstjóra á Landakoti. Viðkomandi þarf að hafa afburða samskipta- og leiðtogahæfni og eiga auðvelt með að vinna í teymi. Starfið felur í sér skipulag og stjórnun fjölbreyttrar starfsemi á Landakoti og Vífilsstöðum, í nánu samstarfi og umboði yfirsjúkraþjálfara/ deildarstjóra, auk klínískra starfa. Starfshlutfall er 100% og er starfið laust frá 1. september 2020.

Sjúkraþjálfun á Landakoti sinnir sjúklingum á öllum legudeildum Landakots og Vífilsstaða og á dagdeild Landakots. Auk þess starfa sjúkraþjálfarar í þverfaglegum teymum á göngudeild öldrunarlækninga. Á Landakoti fer fram mat, meðferð og endurhæfing aldraðra. Í sjúkraþjálfun á Landakoti starfa um 20 manns og er lögð áhersla á náið samstarf fagstétta og teymisvinnu. Lögð er rík áhersla á að taka vel á móti nýjum starfsmönnum.


Helstu verkefni og ábyrgð
» Starfsmannamál og rekstur í umboði yfirsjúkraþjálfara 
» Skipuleggur sjúkraþjálfun á starfsstöð í samræmi við stefnu, gildi og markmið Landspítala
» Hvetur til rannsókna og vísindastarfs í sjúkraþjálfun í samráði við yfirsjúkraþjálfara 
» Er yfirsjúkraþjálfara Landspítala til ráðgjafar/aðstoðar í stefnumótun, faglegri þróun og gæðastarfi í sjúkraþjálfun 
» Stjórnar innleiðingu og aðlögun klínískra leiðbeininga að starfsemi sjúkraþjálfunar á starfsstöð
» Sinnir klínískum störfum


Hæfnikröfur
» Íslenskt starfsleyfi sem sjúkraþjálfari 
» Sveigjanleiki og hæfni í mannlegum samskiptum sem og teymisvinnu
» Áhugi og reynsla af stjórnun, umbóta- og gæðastarfi 
» Viðbótarnám sem nýtist í starfi æskilegt
» Leiðtogahæfni og metnaður til að ná árangri
» Skipulagshæfileikar og frumkvæði í starfi
» Góð íslenskukunnátta


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Tekið er mið af jafnréttisstefnu Landspítala við ráðningar á spítalanum. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Umsókn fylgi náms- og starfsferilskrá ásamt afriti af prófskírteinum og starfsleyfi. Við hvetjum karla jafnt sem konur til að sækja um starfið. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 100%
Umsóknarfrestur er til og með 08.06.2020


Nánari upplýsingar veitir
Ragnheiður S Einarsdóttir - [email protected] - 543 9306



Landspítali
Sjúkraþjálfun
Hringbraut
101 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira