Hoppa yfir valmynd
SérfræðistörfHöfuðborgarsvæðið202004/886Hafrannsóknarstofnun

Nýdoktor á sviði flotahegðunar og hagfræði tengri útgerð fiskiskipa

Nýdoktor á sviði flotahegðunar og hagfræði tengri útgerð fiskiskipa


Staða nýdoktors er auglýst hjá Hafrannsóknastofnun, við starfsstöð stofnunarinnar í Hafnarfirði. 


Helstu verkefni og ábyrgð
Nýdoktornum er ætlað að starfa við rannsóknir á hegðun fiskveiðiflotans og hagrænum hvötum útgerða við bolfiskveiðar á Íslandsmiðum. Um er að ræða þriggja ára stöðu styrkta af Rannís, þar sem nýdoktornum er ætlað rannsaka tækifæri til fiskveiða og aðra þætti þeim tengdum sem stjórna hegðun flotans (heildarafli, samsetning afla, sókn, staðsetning fiskiskipa, stærðarsamsetning, væntur þéttleiki þorsks, veiðarfæri osfrv.) og tengja metnu afurðaverði, sem byggt er á markaðsgögnum, og öðrum kostnaði sem stýrir hagnaði, til þess að skilja betur hvernig aðstæður á markaði geta haft áhrif á stofnþróun og fiskveiðistjórnun. 

Verkefnið mun nýta lífmælingagögn sem safnað er af Hafrannsóknastofnun auk upplýsinga um landaðan afla, úr afladagbókum og frá fiskmörkuðum. Æskilegt er því að umsækjendur hafi góðan grunn í gagnagreiningu og haglíkanagerð. Nýdoktorinn mun vinna með tveimur sérfræðingum Hafrannsóknastofnunar, Dr. Pamelu J. Woods og Dr. Bjarka Þór Elvarssyni, auk samstarfs við hagfræðinga og líffræðinga á Félagsvísindasviði Háskóla Íslands (þeim Dr. Daða Má Kristóferssyni, Dr. Sveini Agnarssyni og Dr. Freydísi Vigfúdóttur) og Umhverfisdeildar Duke háskóla (Dr. Martin Smith).
Hæfnikröfur
Umsækjendur þurfa að hafa lokið doktorsprófi í líffræði, auðlindastjórnun, hagfræði, verkfræði, tölfræði eða hagnýtri stærðfræði. 

Æskilegt er að umsækjandi hafi:

  • Sýnt fram á kunnáttu í tölfræði auk meðhöndlunar og úrvinnslu stórra gagnasetta
  • Reynslu af tölfræðilegri líkanasmíði og geti sýnt fram á kunnáttu við smíði hag-, vistfræði- eða líffræðilíkana
  • Góða þekkingu á forritunarumhverfinu R auk almennrar forritunarkunnáttu
  • Birtingar í ritrýndum fræðitímaritum
  • Reynslu af þverfaglegri teymisvinnu
  • Getu til að vinna sjálfstætt og sem hluti af hóp

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.
Með umsókn skulu fylgja kynningarbréf, starfsferilsskrá og nöfn tveggja meðmælenda með upplýsingum um hvernig er hægt að ná í þá. Við ráðningu skal leggja fram staðfestingu á doktorsgráðu.


Starfshlutfall er 100%
Umsóknarfrestur er til og með 04.06.2020


Nánari upplýsingar veitir
Pamela J. Woods - [email protected] - 5752075
Bjarki Þór Elvarsson - [email protected] - 5752033



Hafrannsóknastofnun
Botnsjávarsvið
Skúlagata 4
101 Reykjavík


Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira