Hoppa yfir valmynd
SérfræðistörfHöfuðborgarsvæðið202004/885Hafrannsóknarstofnun

Nýdoktor á sviði stofnmatsaðferða og vistkerfislíkana

Nýdoktor á sviði stofnmatsaðferða og vistkerfislíkana


Staða nýdoktors er auglýst hjá Hafrannsóknastofnun, við starfsstöð stofnunarinnar í Hafnarfirði. 


Helstu verkefni og ábyrgð
Nýdoktornum er ætlað að starfa við smíði stofnmats- og vistkerfislíkana af vistkerfi sjávar á hafsvæðinu í kringum Ísland. Um er að ræða þriggja ára stöðu styrkta af Rannís þar sem nýdoktornum er ætlað að vinna að 1) þróun einstakra þátta í aldurs- og lengdarháða líkanaumhverfinu Gadget og R-pakka því tengdu 2) rannsaka getu Gadgets til að ráða við einstaka tilvik með hermunarprófum og 3) vinna með öðrum vistkerfislíkanasmiðum til þess að tengja Gadget sem stofnmatsforrit í vistkerfishermunum Atlantis.

Verkefnið mun nýta lífmælingagögn sem safnað er af Hafrannsóknastofnun auk upplýsinga um landaðan afla, úr afladagbókum og frá fiskmörkuðum. Því er kostur að umsækjendur hafi góðan grunn í gagnagreiningu, tölfræðilegri líkanagerð og stofnmati. Nýdoktorinn mun vinna með tveimur sérfræðingum Hafrannsóknastofnunar, Dr. Pamelu J. Woods og Dr. Bjarka Þór Elvarssyni, auk samstarfs við tölfræðinga við Háskóla Íslands (Dr. Gunnar Stefánsson) og við Landbúnaðarháskólann (Dr. Erla Sturludóttir).


Hæfnikröfur
Umsækjendur þurfa að hafa lokið doktorsprófi í líffræði, auðlindastjórnun, hagfræði, verkfræði, tölfræði eða hagnýtri stærðfræði. 

  • Æskilegt er að umsækjandi hafi:Sýnt fram á kunnáttu í tölfræði auk meðhöndlunar og úrvinnslu stórra gagnasetta
  • Reynslu af tölfræðilegri líkanasmíði og geti sýnt fram á kunnáttu á stofnmatsaðferðum fiskistofna eða tölfræðilegri líkanagerð
  • Góða þekkingu á forritunarumhverfinu R auk almennrar forritunarkunnáttu
  • Birtingar í ritrýndum fræðitímaritum
  • Reynslu af þverfaglegri teymisvinnu
  • Getu til að vinna sjálfstætt og sem hluti af hóp

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.
Með umsókn skulu fylgja kynningarbréf, starfsferilsskrá og nöfn tveggja meðmælenda með upplýsingum um hvernig er hægt að ná í þá. Við ráðningu skal leggja fram staðfestingu á doktorsgráðu.


Starfshlutfall er 100%
Umsóknarfrestur er til og með 04.06.2020


Nánari upplýsingar veitir
Pamela J. Woods - [email protected] - 5752075
Bjarki Þór Elvarsson - [email protected] - 5752033



Hafrannsóknastofnun
Botnsjávarsvið
Skúlagata 4
101 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira