Hoppa yfir valmynd
SérfræðistörfHöfuðborgarsvæðið202004/864Forsætisráðuneytið

Sérfræðingur óskast á skrifstofu jafnréttismála

Sérfræðingur óskast á skrifstofu jafnréttismála


Forsætisráðuneytið auglýsir laust til umsóknar starf sérfræðings til að sinna fjölbreyttum, sérhæfðum og krefjandi verkefnum á skrifstofu jafnréttismála. Samkvæmt forsetaúrskurði um skiptingu stjórnarmálefna innan Stjórnarráðsins nr. 119/2018 fer forsætisráðuneytið með málefni sem varða jafna stöðu og jafnan rétt kvenna og karla, jafna meðferð óháð kynþætti og þjóðernisuppruna, jafna meðferð á vinnumarkaði og kynrænt sjálfræði. Einnig málefni kærunefndar jafnréttismála, Jafnréttissjóðs Íslands og Jafnréttisstofu.

Helstu verkefni skrifstofunnar 
Skrifstofa jafnréttismála hefur leiðandi hlutverk fyrir hönd forsætisráðuneytisins sem fer með yfirstjórn málaflokksins og hefur reglulegt samráð við önnur ráðuneyti, stofnanir, félagasamtök og samtök aðila vinnumarkaðarins um verkefni á sviði jafnréttismála. Skrifstofan sinnir stefnumótun á sviði jafnréttismála, gerð lagafrumvarpa, þingsályktunartillagna og reglugerða ásamt þátttöku í nefndarstörfum innanlands og utan. Þá sinnir skrifstofan ýmis konar alþjóðastarfi á sviði jafnréttismála. 


Helstu verkefni og ábyrgð
Starfið felst í vinnu við ýmis mál er varða verksvið skrifstofunnar, meðal annars þátttöku í nefndarstörfum sem tengjast jafnlaunavottun og jafnrétti á vinnumarkaði, umsjón með stefnumótun og innleiðingu ýmissa laga sem heyra undir skrifstofuna, þ.m.t. laga nr. 67/2017 um jafnlaunavottun og verkefni sem falla undir jafnrétti á vinnumarkaði, jafnlaunamál og jafnlaunavottun.

Hæfnikröfur

  • Háskólapróf af sviði hug-, félagsvísinda eða lögfræði er skilyrði
  • MPA, MBA eða háskólapróf með sérhæfingu í jafnréttismálum er kostur
  • Haldgóð reynsla af starfi tengdu jafnréttismálum
  • Þekking og reynsla á jafnlaunavottun er kostur
  • Þekking og góð reynsla af verkefnastjórnun
  • Starfsreynsla úr opinberri stjórnsýslu er kostur
  • Mjög gott vald á íslensku í ræðu og riti
  • Gott vald á öðru Norðurlandamáli
  • Góð kunnátta í ensku
  • Framúrskarandi samskiptahæfni, frumkvæði og sjálfstæði
  • Hæfni í miðlun upplýsinga
  • Metnaður til að ná árangri og færni til að vinna undir álagi
 
 

Frekari upplýsingar um starfið
Laun eru samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert. 
Um er að ræða fullt starf í áhugaverðu og krefjandi starfsumhverfi þar sem reynir á framúrskarandi samskiptahæfni, öguð vinnubrögð, ábyrgð og sjálfstæði. Ráðuneytið hvetur karla jafnt sem konur til að sækja um.

Umsækjendur eru beðnir að sækja um starfið í gegnum Starfatorg. Með umsókn skal fylgja starfsferilskrá og kynningarbréf þar sem gerð er grein fyrir ástæðum umsóknar og hvernig umsækjandi uppfyllir hæfnikröfur.Öllum umsóknum verður svarað þegar ákvörðun um ráðningu liggur fyrir. Tekið er fram að umsóknir geta gilt í 6 mánuði, sbr. reglur nr. 1000/2019 um auglýsingar lausra starfa.


Starfshlutfall er 100%
Umsóknarfrestur er til og með 02.06.2020


Nánari upplýsingar veitir
Steinunn Valdís Óskarsdóttir - [email protected] - 545-8400



Forsætisráðuneyti, aðalskrifstofa
Skrifstofa jafnréttismála
Stjórnarráðshúsinu
150 Reykjavík


Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira