Hoppa yfir valmynd
LöggæslustörfHöfuðborgarsvæðið202004/874Ríkislögreglustjóri

Varðstjóri- Ríkislögreglustjóri - Reykjavík

Varðstjóri- Ríkislögreglustjóri - Reykjavík 

Við embætti ríkislögreglustjóra er laus til umsóknar ein (1) staða varðstjóra í fjarskiptamiðstöð ríkislögreglustjóra (FMR), að Skógarhlíð í Reykjavík. Gert er ráð fyrir því að veita stöðuna frá og með 1. september 2020 eða eftir nánari samkomulagi.
Starfsmenn FMR veita lögreglumönnum úti á vettvangi aðstoð í formi leiðbeininga, upplýsinga o.fl., taka á móti neyðarsímtölum og tilkynningum til lögreglu, annast útkallsstýringu alls útkallsliðs lögreglu og stýra fyrstu aðgerðum lögreglu þegar hættu ber að höndum. Þá er FMR aðgerðarstjórnstöð ríkislögreglustjóra vegna öryggismála. Auk þess sinnir FMR vöktun Sirene skrifstofu og vaktar önnur upplýsinga- og samskiptakerfi tengd alþjóðasamskiptum utan dagvinnutíma. FMR er samtengd starfsemi Samhæfingar- og stjórnstöðvar almannavarna (SST) og er hluti af áhöfn hennar. 

Starfið er vaktavinna í svokölluðu valfrjálsu vaktkerfi þar sem starfsmönnum stendur til boða ýmist átta eða tólf tíma vaktir.  

Menntunar- og hæfniskröfur:

Hafa lokið prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. 
Hafa starfað sem lögreglumaður í að minnsta kosti tvö ár frá því viðkomandi lauk prófi. Æskilegt er að umsækjandi sé starfandi lögreglumaður.
Gott vald á íslensku máli í ræðu og riti auk kunnáttu í ensku er skilyrði. Kunnátta í Norðurlandamáli og/eða öðrum tungumálum er kostur.
Góð tölvukunnátta er skilyrði, t.d. reynsla af notkun fjarskipta- og tölvubúnaðar. 
Þekking á lögreglukerfinu (LÖKE) er skilyrði.
Þekking á Schengen-upplýsingakerfinu er kostur.
Geta til að vinna með rafrænar upplýsingar er æskileg, t.d. geta til að vinna með upplýsingar af samfélagsmiðlum og veraldarvefnum.
Hæfni í mannlegum samskiptum og geta til að vinna undir álagi er skilyrði.
Skipulagshæfni og frumkvæði er kostur.
Reynsla af stjórnun innan lögreglu er kostur.


Umsóknarfrestur er til og með 4. júní 2020 og skal umsóknum skilað á netfangið [email protected]  eða til embættis ríkislögreglustjóra, Skúlagötu 21, 101 Reykjavík. 
Umsóknareyðublað er hægt að nálgast á lögregluvefnum, www.logreglan.is undir liðnum „Eyðublöð – Ýmis leyfi“.  

Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um. 

Ráðningakjör eru samkvæmt kjarasamningi Landssambands lögreglumanna og fjármálaráðherra f.h. ríkissjóðs. Starfshlutfall er 100%. Ríkislögreglustjóri setur í stöðurnar til reynslu í sex mánuði með möguleika á skipun í embætti í framhaldinu.  


Öllum umsóknum verður svarað þegar ákvörðun um setningu hefur verið tekin. Umsóknir sem berast eftir að umsóknarfresti lýkur verða ekki teknar til greina.
Nánari upplýsingar veitir Gylfi Hammer Gylfason, aðstoðaryfirlögregluþjónn, í síma 570-2611 og í gegnum netfangið [email protected].  



Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira