Hoppa yfir valmynd
SérfræðistörfHöfuðborgarsvæðið202004/906Utanríkisráðuneytið

Deildarstjóri tvíhliða og svæðisbundinnar þróunarsamvinnu

Deildarstjóri tvíhliða og svæðisbundinnar þróunarsamvinnu


Utanríkisráðuneytið óskar eftir að ráða deildarstjóra tvíhliða og svæðisbundinnar þróunarsamvinnu til starfa á skrifstofu alþjóða- og þróunarsamvinnu. Deildarstjórinn leiðir starf skrifstofunnar á sviði tvíhliða þróunarsamvinnu og svæðaverkefna, og hefur umsjón með innleiðingu umhverfis- og loftslagsmála sem þverlægs málaflokks. Hann leiðir þau verkefni og starfsfólk sem undir deildina heyra og hefur umsjón með málefnavinnu þar að lútandi.


Helstu verkefni og ábyrgð
Umsjón með starfi í tvíhliða samstarfslöndum Íslands í samvinnu við forstöðumenn sendiráða, þ.m.t. undirbúningur og mat nýrra verkefna og samstarfsáætlana og umsjón og vöktun verkefna í samráði við forstöðumenn.
Framkvæmd svæðaverkefna Íslands í tvíhliða samstarfslöndum Íslands, m.a. á sviði sjávarútvegs- og orkumála.
Umsjón með umhverfis- og loftslagsmálum sem þverlægs málaflokks í þróunarsamvinnu Íslands, mótun og innleiðing framkvæmdaáætlana.
Umsjón með gerð fjárhagsáætlana fyrir málefnasviðin sem undir deildina heyra.
Málefnavinna í tengslum við ábyrgðarsvið og verkefni, s.s. skýrslugerð og upplýsingagjöf.
Vöktun faglegrar umfjöllunar á ábyrgðarsviðinu og þátttaka í alþjóðlegu samstarfi sem varðar tvíhliða þróunarsamvinnu Íslands.
Deildarstjóri situr í rýnihópi alþjóða- og þróunarsamvinnuskrifstofu og samhæfir starf deildarinnar með öðrum deildum innan skrifstofunnar.
Umsjón með stefnumótun á sviði tvíhliða þróunarsamvinnu og umhverfis- og loftslagsmála, eftir atvikum, í samstarfi við sérfræðinga á öðrum málefnasviðum.


Hæfnikröfur
Víðtæk reynsla af tvíhliða þróunarsamvinnu, mótun og innleiðingu þróunarsamvinnuverkefna.
Þekking og haldbær reynsla af málaflokkum umhverfis- og loftslagsmála í samhengi þróunarlanda.
Reynsla af alþjóðasamskiptum, á vettvangi Norðurlandasamstarfs og af starfi alþjóðastofnana á sviði alþjóðlegrar þróunarsamvinnu. 
Háskólapróf á meistarastigi sem nýtist í starfi.
Góð tungumálakunnátta, íslenska, enska og Norðurlandamál ásamt færni og hæfni til að miðla upplýsingum í töluðu og rituðu máli.
Góð tölvukunnátta.
Stjórnunarreynsla. 
Drifkraftur, færni í mannlegum samskiptum og reynsla af teymisvinnu. 


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Starfið er háð flutningsskyldu í utanríkisþjónustunni skv. 10. gr. laga nr. 39/1971 um utanríkisþjónustu Íslands. Áhugasamir einstaklingar án tillits til kyns eru hvattir til að sækja um starfið.


Öllum umsóknum verður svarað þegar ákvörðun um ráðningu hefur verið tekin. Athygli er vakin á að umsóknir gilda í sex mánuði frá því að umsóknarfresti lýkur.


Starfshlutfall er 100%
Umsóknarfrestur er til og með 02.06.2020


Nánari upplýsingar veitir
Anna Ósk Kolbeinsdóttir - [email protected] - 5459900
Björg Torfadóttir - [email protected] - 5459900


Utanríkisráðuneyti, aðalskrifstofa
Alþjóða- og þróunarsamvinnuskrifstofa
Rauðarárstígur 25
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira