Hoppa yfir valmynd
StjórnunarstörfAkureyri202004/898Sjúkrahúsið á Akureyri

Forstöðumaður eldhúss - Sjúkrahúsið á Akureyri

Forstöðumaður eldhúss - Sjúkrahúsið á Akureyri


Við óskum eftir metnaðarfullum og skapandi matreiðslumanni í okkar frábæra starfshóp á Sjúkrahúsinu á Akureyri.
Laus er til umsóknar staða forstöðumanns í eldhúsi, um er að ræða 100% stöðu í dagvinnu sem laus er frá 1. júlí n.k.eða eftir samkomulagi. 
Hlutverk eldhúss er að sjá um matseld fyrir sjúklinga, starfsfólk, nema, aðstandendur sjúklinga og gesti. Eldhúsið sér um matsal sjúkrahússins. Starfsmenn eru 24 í 17 stöðugildum. 
Næsti yfirmaður er Guðmundur Magnússon, framkvæmdastjóri fjármála- og rekstrarsviðs.


Helstu verkefni og ábyrgð
Dagleg stjórnun á starfsemi eldhúss. 
Forstöðumaður annast ráðningar starfsmanna, skipuleggur störf þeirra og vinnutíma, vaktir og samningsbundin frí. 
Skipulagning matseðla, ábyrgð á innkaupum, geymslu og framleiðslu matvæla í eldhúsi. 
Samskipti við deildir sjúkrahússins varðandi þjónustu matseldar og sérfæðis sjúklinga.
Þátttaka í matseld og gerð sérfæðis.
Ábyrgð á því að uppfylltar séu kröfur sem settar eru með lögum eða reglugerðum og varða starfsemina. 
Ábyrgð á innra eftirliti og því að fylgt sé stöðlum og reglum er varða gæði og gæðaeftirlit sem og ábyrgð á störfum eldhússins í gæðastarfsemi sjúkrahússins. 
Taka þátt í ritun og samþykki gæðaskjala ásamt öllu gæðastarfi svo uppfylla megi þær kröfur sem gerðar eru til sjúkrahússins skv. alþjóðlegum stöðlum sem sjúkrahúsið er vottað eftir. 
Forstöðumaður ber ábyrgð á því að rekstur deildarinnar sé innan fjárhagslegs ramma sem deildinni er settur í rekstrar- og framkvæmdaáætlun hverju sinni. 


Hæfnikröfur
Sveinsréttindi í matreiðslu og/eða próf frá viðurkenndum skóla á sviði matvælaframleiðslu s.s. næringarrekstrarfræði er skilyrði.
Stjórnunarnám og/eða reynsla af stjórnun ásamt skipulagshæfni og sjálfstæði í vinnubrögðum er skilyrði.
Meistararéttindi í matreiðslu er kostur
Starfsreynsla úr atvinnueldhúsi og/eða á heilbrigðisstofnun er kostur
Lögð er áhersla á góða framkomu, ríka þjónustulund ásamt lipurð og sveigjanleika í samskiptum.
Vil leitum að starfsmanni sem hefur metnað og frumkvæði, góða almenna tölvukunnáttu og ríka gæða og öryggisvitund.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Fræðagarður hafa gert.
Eða eftir atvikum samkvæmt gildandi kjarasamningi sem fjármálaráðherra hefur gert við önnur stéttarfélög.

Umsóknum skal skilað rafrænt á vef sjúkrahússins www.sak.is. Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi þegar það á við.


Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður. Öllum umsóknum verður svarað þegar ákvörðun um ráðningu hefur verið tekin. 

Gildi Sjúkrahússins á Akureyri eru: ÖRYGGI SAMVINNA FRAMSÆKNI.

Sjúkrahúsið veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum stöðlum sem sjúkrahúsið er vottað eftir. 


Starfshlutfall er 100%
Umsóknarfrestur er til og með 02.06.2020


Nánari upplýsingar veitir
Guðmundur Magnússon - [email protected] - 4630100
Hulda Sigríður Ringsted - [email protected] - 4630100


Sjúkrahúsið á Akureyri
Eldhús
Eyrarlandsvegi
600 Akureyri


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira