Hoppa yfir valmynd
SérfræðistörfHöfuðborgarsvæðið202004/904Fjármála- og efnahagsráðuneytið

Hagfræðingur á skrifstofu efnahagsmála

Hagfræðingur á skrifstofu efnahagsmála


Fjármála- og efnahagsráðuneytið leitar að metnaðarfullum og framsæknum hagfræðingi til að sinna fjölbreyttum verkefnum á sviði efnahagsmála. Starfið felur í sér stefnumörkun, ráðgjöf og greiningar. 

Skrifstofa efnahagsmála hefur umsjón með undirbúningi og eftirfylgni með efnahagsstefnu ríkisstjórnarinnar, samhæfingu opinberrar hagstjórnar og kynningu á efnahags- og hagstjórnarmálum innanlands og utan. Í því skyni annast skrifstofan mat á þróun og horfum í efnahagsmálum og samskipti við Hagstofu Íslands um gerð þjóðhagsspár. Skrifstofan annast gerð hagfræðilegra athugana, sviðsmynda- og frávikagreiningar, vöktun hagstærða og samskipti við erlend matsfyrirtæki og ýmsar alþjóðlegar stofnanir á sviði efnahagsmála, þ.m.t. Alþjóðagjaldeyrissjóðinn og Efnahags- og framfarastofnunina (OECD). Skrifstofan starfar náið með öðrum skrifstofum ráðuneytisins varðandi framgang stefnu ríkisstjórnarinnar í opinberum fjármálum.

Helstu verkefni og ábyrgð
Stefnumörkun og ráðgjöf í hagstjórn.
Samþætting heildarstefnu í efnahagsmálum.
Greiningar á stöðu og horfum í efnahagsmálum.
Kynningar á stöðu og þróun efnahagsmála í ræðu og riti.
Þátttaka í alþjóðastarfi og samskipti við erlendar stofnanir og aðila á fjármálamarkaði.

Hæfnikröfur
Frumkvæði og sjálfstæði í vinnubrögðum. 
Meistaranám í hagfræði eða sambærileg menntun sem nýtist í starfinu.
Þekking á efnahagsmálum í þjóðhagslegu samhengi og opinberri hagstjórn.
Reynsla af greiningarvinnu sem nýtist í starfi.
Greinandi, gagnrýnin og lausnamiðuð hugsun.
Mjög gott vald á íslensku og ensku í ræðu og riti er skilyrði.
Reynsla af notkun hagrannsóknaforrita á borð við Eviews og R er kostur. 
Góð samskipta- og skipulagshæfni auk hæfileika til að leiða teymisvinnu.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.

Starfshlutfall er 100%
Umsóknarfrestur er til og með 02.06.2020


Nánari upplýsingar veitir
Guðrún Ögmundsdóttir - [email protected] - 5459200
Tómas Brynjólfsson - [email protected] - 5459200

 

Fjármála- og efnahagsráðuneyti,
Skrifstofa efnahagsmála
Arnarhváll við Lindargötu
150 Reykjavík

Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira