Hoppa yfir valmynd
SérfræðistörfHöfuðborgarsvæðið202004/903Landspítali

Nýútskrifaðir hjúkrunarfræðingar á starfsþróunarár Landspítala 2020-2021

Nýútskrifaðir hjúkrunarfræðingar á starfsþróunarár Landspítala 2020-2021 


Hefur þú áhuga á virkri starfsþróun á fyrsta árinu þínu í starfi? Værir þú til í stuðning við að fóta þig sem nýútskrifaður hjúkrunarfræðingur? Langar þig að kynnast öðrum sem eru í sömu sporum og þú?

Landspítali býður nýútskrifuðum hjúkrunarfræðingum sem ráða sig til starfa að taka þátt í starfsþróunarári hjúkrunar á Landspítala. Samhliða hjúkrunarstarfinu er boðið upp á skipulagða aðlögun, starfsþróun, stuðning í starfi og ráðgjöf. Vinnusmiðjur, umræðufundir, hermiþjálfun og fyrirlestrar eru á dagskrá yfir veturinn. Menntadeild Landspítala skipuleggur starfsþróunarárið með hliðsjón af stöðlum frá American Association of Colleges of Nursing.

Markmið starfsþróunarárs:
» Auka öryggi nýútskrifaðra hjúkrunarfræðinga í starfi 
» Auka hæfni til að takast á við áskoranir starfsins 
» Stuðla að auknum gæðum hjúkrunar og öryggi sjúklinga 
» Auka starfsánægju og festu í starfi
» Efla faglegar áherslur og fjölbreytni í hjúkrun


Helstu verkefni og ábyrgð
» Ákveða, skipuleggja og veita hjúkrunarmeðferð í samráði við skjólstæðinga
» Ber ábyrgð á meðferð samkvæmt starfslýsingu


Hæfnikröfur
» Hafa lokið námi í hjúkrunarfræði sem veitir starfsréttindi sem hjúkrunarfræðingur á Íslandi
» Íslenskt hjúkrunarleyfi eigi síðar en október 2020


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Frá október 2020 mun um 10% af starfshlutfalli viðkomandi verða helgað starfsþróun. Starfsþróunarárið hefur tvo upphafsdaga, 9. júní fyrir þá sem byrja að starfa í sumar en í byrjun október fyrir þá sem byrja í haust. Frá haustinu munu hóparnir halda áfram saman. Starfsþróunarárinu lýkur í byrjun maí 2021. 

Þeir sem þegar hafa ráðið sig til starfa geta, í samráði við deildarstjóra, skráð sig á starfsþróunarár hjá Menntadeild ([email protected] eða [email protected]).

Umsókn fylgi náms- og starfsferilskrá. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 50 - 100%
Umsóknarfrestur er til og með 15.06.2020


Nánari upplýsingar veitir
Jóhanna Lind Guðmundsdóttir - j[email protected] - 543 7702
Kristín Salín Þórhallsdóttir - [email protected] - 824 9056



Landspítali
Menntadeild
Skaftahlíð 24
105 Reykjavík



Smellið hér til að sækja um starf


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira