Hoppa yfir valmynd
SérfræðistörfHöfuðborgarsvæðið202006/1049Háskóli Íslands

Doktorsnemi í Lífefnafræði

Doktorsnemi í Lífefnafræði


Við leitum að hæfileikaríkum rannsakanda með mikinn drifkraft til þess að vinna að PhD rannsókn sem er að fullu styrkt til þriggja ára.


Helstu verkefni og ábyrgð
Verkefnið snýst um að skilja sameindalega virkni hóps umritunarþátta og sérstaklega hlutverk óreiðukenndra virkjunarsvæða við bindingu litnis. Hátækni einsameinda-aðferðir verða notaðar til þess að rannsaka stakar prótein-sameindir, virkni þeirra, byggingu og víxlverkanir við erfðaefnið. Þróaðar verða aðferðir til þess að merkja litnisagnir og litni með flúrljómandi hópum.

Verkefnið verður unnið á nýrri rannsóknastofu lífefnafræðideildar Háskóla Íslands í Öskju Náttúrufræðahúsi. Verkefnið er tengt Lífvísindasetri HÍ og framhaldsnámsleið í sameindavísindum (GPMLS), og REPIN verkefninu í Kaupmannahöfn.

Vinnan felst m.a. í: 
>> Klónun og stökkbreytingum.
>> Prótein hreinsun og tjáningu.
>> Merkingu lífsameinda með flúrljómandi hópum.
>> Uppbyggingu litnisagna.
>> Mælingum á byggingu og stöðugleika próteina og kjarnsýra; hringskautunarmælingar, flúrljómun, vermismælingar, ofl.
>> Einsameinda-litrófsgreiningar (FRET). 

Rannsóknarhópurinn á í alþjóðlegu samstarfi við hópa í Danmörku (NMR mælingar), Sviss (einsameinda-aðferðir), Ítalíu (einsameinda-aðferðir), og Nýja-Sjálandi (tölvuhermanir). Möguleikar eru á rannsóknarferðum á meðan á verkefninu stendur.


Hæfnikröfur
>> Meistaragráða í lífefnafræði, efnafræði, sameindalíffræði eða tengdum fögum. 
>> Reynsla af tjáningu, hreinsun og meðhöndlun próteina og kjarnsýra er kostur.
>> Góð tölvukunnátta. 
>> Mjög gott vald á talaðri og skrifaðri ensku.
>> Drifkraftur, frumkvæði, og nákvæm vinnubrögð eru skilyrði.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Starfið er laust frá 1. ágúst 2020 og er til þriggja ára. Laun eru fjármögnuð í gegnum doktorsstyrk úr doktorsstyrkjasjóði Háskóla Íslands.

Umsókninni skal fylgja kynnisbréf þar sem fram kemur hvað vekur áhuga umsækjanda á verkefninu og hvað hann/hún hefur fram að færa við mótun og vinnslu þess. Kynnisbréfið skal ekki vera lengra en ein blaðsíða. Til viðbótar skal fylgja; i) ferilskrá, ii) afrit af prófskírteinum (grunnnám og meistaranám), iii) upplýsingar um hvernig má hafa samband við tvo umsagnaraðila. 


Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann.
Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi. 


Starfshlutfall er 80 - 100%
Umsóknarfrestur er til og með 10.07.2020


Nánari upplýsingar veitir
Pétur Orri Heiðarsson - [email protected] - 5254000



Raunvísindastofnun Háskólans
EH Lífefnafræðistofa
Dunhaga 3
107 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira