Hoppa yfir valmynd
SérfræðistörfHöfuðborgarsvæðið202006/1061Háskóli Íslands

Sérfræðingur í jarðvísindum við Jarðvísindastofnun Háskólans

Sérfræðingur í jarðvísindum við Jarðvísindastofnun Háskólans


Laust er til umsóknar fullt starf sérfræðings við Jarðvísindastofnun Háskólans, með sérþekkingu og reynslu á sviði bergsegulmælinga og segulsviði jarðar. Einnig verða umsóknir á sviði strúktúr jarðfræði og jarðhniks teknar til greina. Rannsóknir á jarðlagastafla Íslandssvæðisins með bergsegulmælingum síðustu 50 árin hafa gefið af sér einstakt gagnasafn og niðurstöður. Stefna stofnunarinnar er að viðhalda rannsóknum á þessum og tengdum viðfangsefnum og efla þær eftir því sem tækifæri gefast. Því er auglýst eftir vísindamanni með reynslu og þekkingu á þessu sviði með það að markmiði að auka skilning á Íslandssvæðinu.


Helstu verkefni og ábyrgð
Starfið felur m.a. í sér að hafa umsjón með nýrri rannsóknaraðstöðu í bergsegulmælingum, sem m. a. hefur yfir að ráða AGICO JR6 spinner segulmæli, AGICO LDA5/PAM afsegulmögnunartæki, AGICO KLY-3 til mælinga á segulviðtaki, ásamt fleiri sérhæfðum tækum til bergsegulmælinga. Gert er ráð fyrir að sérfræðingurinn komi að leiðbeiningu framhaldsnema og mögulega annarri kennslu við Jarðvísindadeild Verkfræði- og náttúruvísindasviðs (https://www.hi.is/jardvisindadeild). Umfang kennslu yrði samkvæmt samkomulagi sérfræðingsins við stjórn Jarðvísindastofnunar í samræmi við 10. gr reglna Raunvísindastofnunar Háskólans nr. 685/2011 og ákvörðun Jarðvísindadeildar. 


Hæfnikröfur
>> Doktorspróf í jarðeðlisfræði eða jarðfæði
>> Reynsla af rannsóknum á fagsviðinu með góðum árangri
>> Samskiptahæfni og lipurð í mannlegum samskiptum
>> Þekking á háskólastarfi og færni í að mynda rannsóknartengsl

Við ráðningu verður miðað við að sá er starfið hlýtur falli sem best að aðstæðum og þörfum stofnunarinnar.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Miðað er við að umsækjendur geti hafið störf í upphafi árs 2021, þó ekki fyrr en lokið er störfum þeirra nefnda sem um ráðninguna fjalla.

Ráðið verður í starfið til fimm ára með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009. Samkvæmt 38. gr. reglnanna er rektor heimilt að veita framgang í starf fræðimanns eða vísindamanns við nýráðningu uppfylli viðkomandi þau skilyrði.

Umsækjendur skulu láta fylgja umsókn sinni 1) vottorð um námsferil sinn og störf, 2) ferilskrá (Curriculum Vitae), 3) ritaskrá, 4) skýrslu um vísindastörf og önnur störf sem þeir hafa unnið, 5) greinargerð um rannsóknaráform ef til ráðningar kemur og 6) upplýsingar um þrjá mögulega umsagnaraðila sem hafa má samband við. Í umsókn skal koma fram hver ritverka sinna, allt að átta talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn, eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendu ritverki skulu umsækjendur gera grein fyrir framlagi sínu til verksins. Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur og fjölmargir framhaldsnemar. Verkfræði- og náttúruvísindasvið stærir sig af fjölbreytileika og umbótasinnuðu umhverfi þar sem þekkingaröflun og miðlun er í fyrirrúmi.

Jarðvísindastofnun er faglega og fjárhagslega sjálfstæð stofnun innan Raunvísindastofnunar Háskólans. Hún er starfsvettvangur jarðvísindarannsókna sérfræðinga, kennara og framhaldsnemenda við Háskóla Íslands. Stofnunin hefur sterk alþjóðleg tengsl þar sem mörg rannsóknaverkefni eru unnin í víðtæku samstarfi vísindamanna hérlendis og erlendis. Nánari upplýsingar má finna á vefsíðu stofnunarinnar: http://jardvis.hi.is/.


Starfshlutfall er 100%
Umsóknarfrestur er til og með 17.08.2020


Nánari upplýsingar veitir
Bryndís Brandsdóttir - [email protected] - 5254774
Anna Jóna Baldursdóttir - [email protected] - 5254492



Raunvísindastofnun Háskólans
Jarðvísindastofnun
Dunhaga 3
107 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira