Hoppa yfir valmynd
SérfræðistörfHöfuðborgarsvæðið202006/1076Landspítali

Eðlisfræðingur óskast á geislaeðlisfræðideild Landspítala

Eðlisfræðingur óskast á geislaeðlisfræðideild Landspítala


Landspítali auglýsir laust til umsóknar starf eðlisfræðings á geislaeðlisfræðideild 10K sem heyrir undir krabbameinsþjónustu. Deildin sinnir undirbúningi krabbameinssjúklinga fyrir geislameðferð en hefur jafnframt umsjón með tækjabúnaði geislameðferðar, geislamælitækni og eftirliti með geislameðferð. Mikil framþróun er í tækni sem snýr að geislameðferð og sinna eðlisfræðingar deildarinnar innleiðingu og þróun hennar. Á deildinni ríkir góður starfsandi og samvinna.

Við leitum að öflugum einstaklingi sem sýnir frumkvæði og á auðvelt með að vinna í teymi. Starfið krefst mikillar samvinnu og þverfaglegs samráðs. Um er að ræða dagvinnu og í boði er einstaklingshæfð aðlögun í samstarfi við reynda starfsmenn.


Helstu verkefni og ábyrgð
» Undirbúningur geislameðferðar, geislamælingar og gæðaeftirlit með tækjabúnaði og verkferlum við geislameðferð
» Innleiðing nýrrar tækni og skilgreining verkferla 
» Þátttaka í kennslu og vísindavinnu


Hæfnikröfur
» Meistaragráða í eðlisfræði
» Meistaragráða í læknisfræðilegri eðlisfræði (medical physics) æskileg
» Starfsreynsla á sviði læknisfræðilegrar eðlisfræði mikilvæg, einkum við geislameðferð krabbameina
» Góð samskiptahæfni
» Faglegur metnaður
» Sjálfstæð og öguð vinnubrögð


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu Landspítala við ráðningar á spítalanum.

Starfið er laust 1. september 2020 eða eftir nánara samkomulagi. Umsókn fylgi náms- og starfsferilskrá ásamt afriti af prófskírteinum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 100%
Umsóknarfrestur er til og með 13.07.2020


Nánari upplýsingar veitir
Hanna Björg Henrysdóttir - [email protected] - 825 9383
Garðar Mýrdal - [email protected] - 824 5656



Landspítali
Geislaeðlisfræði, tæknideild
Hringbraut
101 Reykjavík



Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira