Hoppa yfir valmynd
HeilbrigðisþjónustaHöfuðborgarsvæðið202006/1092Landspítali

Lífeindafræðingur á hjartarannsóknarstofu Landspítala

Lífeindafræðingur á hjartarannsóknarstofu Landspítala


Laust er til umsóknar starf lífeindafræðings á hjartarannsóknarstofu Landspítala. Starfshlutfall er 80-100%, unnið er í dagvinnu og á bakvöktum. Á hjartarannsóknarstofu starfar 20 manna samhentur hópur lífeindafræðinga og sjúkraliða í þverfaglegulegu teymi og í nánu samstarfi við aðra faghópa.

Við viljum ráða sjálfstæðan og skipulagðan lífeindafræðing með góða samskiptahæfni og sem á auðvelt með að vinna í teymi. Við tökum vel á móti nýju fólki og veitum góða einstaklingshæfða aðlögun. Velkomið að kíkja í heimsókn á deildina, áhugasamir hafið samband við Jóhönnu, yfirlífeindafræðing.


Helstu verkefni og ábyrgð
» Vinna á hjartaþræðingarstofu með sérstakri áherslu á raflífeðlisfræðilegar aðgerðir og kransæðavíkkanir auk aðstoðar við gangráðsísetningar
» Vinna við framkvæmd áreynsluprófa, úrlestur sólarhringshjartarita, gangráðseftirlit
» Úrvinnsla og túlkun niðurstaðna í samvinnu við hjartalækna
» Þátttaka í öðrum verkefnum á hjartarannsókn eftir nánari ákvörðun stjórnanda


Hæfnikröfur
» Sjálfstæð og skipulögð vinnubrögð
» Frumkvæði og faglegur metnaður
» Jákvætt viðmót og hæfni í mannlegum samskiptum
» Góð íslenskukunnátta skilyrði
» Íslenskt starfsleyfi lífeindafræðings


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag lífeindafræðinga hafa gert.
Tekið er mið af jafnréttisstefnu Landspítala við ráðningar á spítalanum.

Starfið er laust frá 1. ágúst 2020 eða samkvæmt nánara samkomulagi. Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 80 - 100%
Umsóknarfrestur er til og með 06.07.2020


Nánari upplýsingar veitir
Davíð Ottó Arnar - [email protected] - 543 1000
Jóhanna S Gunnlaugsdóttir - [email protected] - 543 6158



Landspítali
Hjartarannsóknarstofa
Hringbraut
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira