Hoppa yfir valmynd
SérfræðistörfHöfuðborgarsvæðið202006/1099Landspítali

Sérfræðilæknir í handaskurðlækningum

Sérfræðilæknir í handaskurðlækningum


Laust er til umsóknar starf sérfræðilæknis í handaskurðlækningum. Starfshlutfall er 70% eða samkvæmt samkomulagi. Starfið er laust frá 1. ágúst 2020 eða eftir nánara samkomulagi. 

Sérgreinin býður upp á líflegt og krefjandi starfsumhverfi og mikil tækifæri til starfsþróunar. Áhersla er lögð á góða þjónustu, virka teymisvinnu og stöðugar umbætur í þágu sjúklinga.


Helstu verkefni og ábyrgð
» Greining, meðferð og eftirfylgd sjúklinga með vandamál er tengjast sérgreininni
» Þátttaka í göngudeildarþjónustu og samráðskvaðningum og öðrum þeim störfum sem yfirlæknir deildarinnar telur að eigi við
» Þátttaka í bakvöktum sérgreinarinnar
» Þátttaka í kennslu og vísindavinnu í samráði við yfirlækni


Hæfnikröfur
» Almenn reynsla og þjálfun í handaskurðlækningum, sérstaklega tengd áverkum/ mjúkvefjum
» Hæfni til að vinna sjálfstætt og sýna frumkvæði
» Hæfni og geta til að vinna í teymi
» Samskiptahæfni og lipurð í mannlegum samskiptum
» Reynsla í kennslu og vísindavinnu æskileg
» Íslenskt sérfræðileyfi í handaskurðlækningum eða lýtalækningum


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Fullt starf er bundið við sjúkrahúsið eingöngu sbr. grein 3.2.4 í kjarasamningi lækna og ríkisins 2015. Tekið er mið af jafnréttisstefnu Landspítala við ráðningar á spítalanum.

Í umsóknarformið skal skrá inn upplýsingar um:
» Fyrri störf, menntun og hæfni
» Félagsstörf og umsagnaraðila

Nauðsynleg fylgiskjöl:
» Vottað afrit af námsgögnum og starfsleyfum
» Ferilskrá þar sem tilgreind er reynsla af kennslu, vísindavinnu og stjórnunarstörfum
» Aðgerðaskrá sem sýnir fjölda og gerð aðgerða sem viðkomandi hefur framkvæmt sem aðalskurðlæknir
» Kynningarbréf með rökstuðningi fyrir hæfni og sýn á starfið
» Yfirlit yfir birtar vísindagreinar (eða í ritrýni) sem umsækjandi er fyrsti höfundur að
» Afrit af umsókn um læknisstöðu hjá Embætti Landlæknis, sjá hlekk á umsókn hér fyrir neðan

Mat stöðunefndar læknaráðs Landspítala byggist á innsendum umsóknargögnum. Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Ath. fylla skal einnig út umsókn um læknisstöðu hér hjá Embætti landlæknis


Starfshlutfall er 70%
Umsóknarfrestur er til og með 07.07.2020


Nánari upplýsingar veitir
Hjörtur Friðrik Hjartarson - [email protected] - 824 5559
Ólöf Sara Árnadóttir - [email protected] - 824 5548


Landspítali
Bæklunarskurðlækningar
Fossvogi
108 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira