Hoppa yfir valmynd
SérfræðistörfHöfuðborgarsvæðið202006/1091Háskóli Íslands

Verkefnastjóri við Stofnun Sæmundar fróða, Háskóli Íslands

Verkefnastjóri við Stofnun Sæmundar fróða, Háskóli Íslands


Auglýst er eftir verkefnastjóra sem mun vinna náið með forstöðumanni Stofnunar Sæmundar fróða (SSf) og sé staðgengill hans. Stofnun Sæmundar fróða er þverfræðileg rannsóknastofnun á sviði sjálfbærrar þróunar. Um er að ræða hálft starf. 


Helstu verkefni og ábyrgð
Starfið er fólgið í þátttöku við daglega stjórn SSf, m.a. með þátttöku í og umsjón með rannsóknarverkefnum, s.s. skipulagningu og stjórn verkefna, umsóknum um styrki, gerð framvindu- og lokaskýrslna, gerð og kynningu fjárhagsuppgjörs, undirbúningi nýrra rannsókna og annarra verkefna heima og erlendis. Áhersla er lögð á þverfræðilegt samstarf innan Háskóla Íslands og við stofnanir og fyrirtæki utan hans. Reynsla af alþjóðlegu samstarfi er mikilvæg.

Undir verkefnstjóra heyra sérstaklega rannsóknir og verkefni á sviði gróðurfars og vistfræði, og áhrifa hnattrænnar hlýnunar á náttúrufar og mannvist.

Verkefnastjórinn tekur virkan þátt í miðlun rannsókna og annarra verkefna í ræðu og riti, skipulagi og stjórn funda og viðburða, samskiptum á samfélagsmiðlum og við fjölmiðla, osfrv.

Verkefnastjórinn þarf að geta sinnt umsjón með meistara- og doktorsnemum á sviði umhverfisfræða og tekið þátt í annarri kennslu á því sviði.


Hæfnikröfur
>> Doktorspróf á sviði umhverfisfræða, vistfræði, eða skyldra greina
>> Reynsla af þverfræðilegum og/eða margþátta verkefnum er æskileg
>> Reynsla af alþjóðasamstarfi
>> Frumkvæði, áræðni og sjálfstæð vinnubrögð
>> Góð hæfni í mannlegum samskiptum, sveigjanleiki og hugkvæmni við lausn vanda


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Umsókn skal fela í sér i) greinargerð um áhuga umsækjanda á stöðunni og af hverju hann telur sig vel hæfan í verkefnið. Greinargerðin skal ekki vera lengri en 2 blaðsíður. Til viðbótar skal fylgja: ii) ferilskrá, iii) skrá yfir rit og rannsóknir, iv) nöfn og netföng tveggja umsagnaraðila sem eru tilbúnir að veita meðmæli.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands

Stofnun Sæmundar fróða við Háskóla Íslands er rannsókna- og kennslustofnun á sviði sjálfbærrar þróunar og þverfræðilegra viðfangsefna. Að stofnuninni standa öll fræðasvið Háskólans, er hún er vistuð hjá Verkfræði- og náttúruvísindasviði. Umhverfi, samfélag og efnahagur eru þrjár meginstoðir sjálfbærrar þróunar og rannsóknir á þessu sviði ná því til margra fræðigreina.

Stofnun Sæmundar fróða er ætlað að efla þverfræðilegar rannsóknir innan Háskóla Íslands og samstarf við aðra aðila innanlands og utan. Stofnunin stendur einnig fyrir málþingum og fyrirlestrum á sviði umhverfismála og starfsfólk hennar kemur að kennslu á ýmsum sviðum háskólans.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. 


Starfshlutfall er 50%
Umsóknarfrestur er til og með 10.07.2020


Nánari upplýsingar veitir
Guðrún Pétursdóttir - [email protected] - 5254000



Háskóli Íslands
Stofnun Sæmundar fróða
Dunhaga 7
101 Reykjavík



Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira