Hoppa yfir valmynd
LöggæslustörfHöfuðborgarsvæðið202006/1107Ríkislögreglustjóri

Fjórar stöður varðstjóra – Embætti ríkislögreglustjóra-Öryggismáladeild

Fjórar stöður varðstjóra – Embætti ríkislögreglustjóra-Öryggismáladeild


Við embætti ríkislögreglustjóra eru lausar til umsóknar fjórar stöður varðstjóra í deild sem annast öryggisgæslu. Starfsstöð er á höfuðborgarsvæðinu. Ríkislögreglustjóri setur í stöðurnar til reynslu í sex mánuði, frá og með 1. október 2020, með möguleika á skipun í embætti í framhaldinu. Um er að ræða sólarhringsvaktir.


Menntunar- og hæfnikröfur:
Til þess að hljóta skipun í starf varðstjóra skal umsækjandi hafa starfað sem lögreglumaður í að minnsta kosti 2 ár frá því hann lauk prófi frá Lögregluskóla ríkisins eða diplómaprófi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar. Nauðsynlegt er að viðkomandi búi yfir skipulagshæfni og vandvirkni í vinnubrögðum, sýni frumkvæði og sjálfstæði í starfi og hafi yfir að búa þjónustulund og færni í mannlegum samskiptum og hæfni til að starfa í hóp. Tölvufærni ásamt tungumálakunnáttu er kostur. 


Umsóknum skal skilað á netfangið [email protected]  eða til embættis ríkislögreglustjóra, Skúlagötu 21, 101 Reykjavík, en umsóknarfrestur er til og með 17. júlí 2020.  Guðmundur Ómar Þráinsson aðstoðaryfirlögregluþjónn veitir nánari upplýsingar um starfið í síma 896-4167.


Í ljósi ríkjandi kynjahlutfalls innan lögreglu og jafnréttisáætlunar lögreglunnar, eru konur sérstaklega hvattar til að sækja um. 

Ráðningakjör eru skv. kjarasamningi Landssambands lögreglumanna og fjármálaráðherra f.h. ríkissjóðs. Starfshlutfall er 100%. Starfið er vaktavinna. Umsóknir sem berast eftir að umsóknarfresti lýkur verða ekki teknar til greina.  Öllum umsóknum verður svarað þegar ákvörðun um ráðningu hefur verið tekin.


Umsóknum skal skilað á sérstökum eyðublöðum sem hægt er að nálgast á lögregluvefnum, www.logreglan.is undir liðnum „eyðublöð“.



Ríkislögreglustjóri

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira