Hoppa yfir valmynd
SkrifstofustörfReykjavík202007/1224Ríkislögreglustjóri

Verkefnastjóri í almannavarnadeild ríkislögreglustjóra

Verkefnastjóri í almannavarnadeild ríkislögreglustjóra

Við embætti ríkislögreglustjóra er laus til umsóknar ein (1) staða verkefnastjóra hjá almannavarnadeild ríkislögreglustjóra (AVD). Ríkislögreglustjóri annast málefni almannavarna í umboði ráðherra og sér um að framfylgja stefnu stjórnvalda í almannavarna- og öryggismálum, skipuleggur forvarnir og almenningsfræðslu á sviði almannavarna, og fræðslu til einkaaðila, stjórnvalda og almennings um skipulag almannavarnakerfisins eftir því sem þurfa þykir. Könnun áfallaþols og áhættu, mótvægisaðgerðir líkt og gerð viðbragðsáætlana, æfingar og miðlun fræðsluefnis eru stór hluti daglegra verkefna deildarinnar. Almannavarnadeild ríkislögreglustjóra tekur auk þess þátt í alþjóðlegu samstarfi stjórnvalda um almannavarnir. Almannavarnadeild ríkislögreglustjóra fer með stjórn aðgerða við alvarleg áföll og stýrir Samhæfingarstöð almannavarna og aðstoðar við endurreisn og uppbyggingu samfélaga eftir áföll. Frekari upplýsingar um verkefni almannavarna má finna á www.almannavarnir.is
Starfið er dagvinna og er starfstöð almannavarnadeildar ríkislögreglustjóra í Björgunarmiðstöðinni, Skógarhlíð 14 í Reykjavík.
 
Helstu verkefni verkefnastjóra eru:
Umsjón með verkefnum á sviði heilbrigðismála á vegum almannavarna
Stýring verkefna í samvinnu við heilbrigðisyfirvöld
Samskipti og ráðgjöf vegna almannavarna
Þátttaka í rannsóknarverkefnum
Vinna í Samhæfingar- og stjórnstöð ríkislögreglustjóra
Önnur verkefni skv. nánari ákvörðun næsta yfirmanns

Menntunar- og hæfniskröfur
Háskólapróf á sviði hjúkrunar- eða læknisfræði er skilyrði
Aukið nám á sviði hamfarastjórnunar kostur
Hæfni í mannlegum samskiptum og geta til að vinna undir álagi er skilyrði
Reynsla og þekking á almannavörnum og störfum viðbragðsaðila kostur
Reynsla af rannsóknarvinnu er kostur
Gott vald á íslensku og ensku í ræðu og riti 

Ýmsar upplýsingar um verkefni almannavarna má finna á www.almannavarnir.is

Umsókn ásamt ítarlegri starfsferilskrá, kynningarbréfi og afriti prófskírteina skal senda til embættis ríkislögreglustjóra, Skúlagötu 21, Reykjavík eða á netfangið  [email protected] merkt: með nafni og starfsumsókn almannavarnadeild. Umsóknarfrestur er til og með 15. ágúst nk. Upphafsdagur ráðningar er 1. október eða eftir nánara samkomulagi. Ráðið verður í stöðuna til reynslu í 6 mánuði með möguleika á framtíðarráðningu. Upplýsingar um starfið veita  Katrín Salima Dögg Ólafsdóttir eða Víðir Reynisson í síma 4442500.

Ráðningakjör eru samkvæmt kjarasamningi fjármálaráðherra f.h. ríkissjóðs og viðkomandi stéttarfélags. Starfshlutfall er 100%. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin.

Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.



Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira