Hoppa yfir valmynd
HeilbrigðisþjónustaNeskaupstaður202007/1235Heilbrigðisstofnun Austurlands

Ljósmóðir - HSA - Fjölskyldudeild

Ljósmóðir - HSA - Fjölskyldudeild 

Fjölskyldudeild HSA óskar eftir að ráða ljósmóður til starfa í afleysingu í 1 ár eða eftir frekara samkomulagi. Starfshlutfall er 70-100%. Það ersamkomulagsatriði hvernig starfshlutfallið skiptist milli heilsugæslu og fæðingadeildar. Starfið veitist frá 1. september 2020- 31. ágúst 2021 eða eftir nánara samkomulagi.

Helstu verkefni og ábyrgð
Vaktljósmóðir við fæðingadeild Umdæmissjúkrahúsins í Neskaupstað og mæðra og ungbarnavernd við heilsugæslur HSA.

Hæfnikröfur
Íslenskt ljósmæðraleyfi er skilyrði. Íslenskt hjúkrunarleyfi er kostur. 
Lögð er áhersla á metnað í starfi, teymisvinnu, jákvæðni og sveigjanleika. Íslenskukunnátta áskilin. Ökuréttindi eru nauðsynleg. 

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.
Umsóknum skal skilað rafrænt til HSA með því að fylla út umsóknarform á vefsíðu stofnunarinnar www.hsa.is undir flipanum Laus störf. 

Öllum umsóknum verður svarað. Tekið er mið af jafnréttisstefnu HSA við ráðningar. Tóbaksnotkun og eða notkun rafretta er ekki heimil á vinnutíma innan HSA. 

HSA starfar á þremur fagsviðum; heilsugæslu-, hjúkrunar- og sjúkrasviði. Áhersla er lögð á samvinnu þvert á byggðarlög. Stofnunin þjónar rúmlega 11.000 íbúum frá Djúpavogi til Vopnafjarðar, auk ferðamanna sem sækja Austurland heim. Umdæmissjúkrahús Austurlands er í Neskaupstað og þar er fæðingardeild HSA. Á þjónustusvæði HSA eru auk þess fimm heilsugæslustöðvar, en alls eru starfsstöðvarnar ellefu talsins. 

HSA vill byggja þjónustu sína á mannvirðingu, þekkingu og þverfaglegri samvinnu. 

Fjölskyldudeild tilheyrir bæði sjúkra og heilsugæslusviði og þar starfa að jafnaði fjórar ljósmæður á vöktum og bakvöktum allan ársins hring. 

Fæðingadeild HSA er ljósmæðrarekin C1 fæðingarstaður þar sem undanfarin ár hafa verið 70-80 fæðingar á ári. Einnig sinna vaktljósmæður bráðatilvikum í barneignaferlinu og sinna fjölskyldum í sængurlegu. 

Ljósmæður Fjölskyldudeildar sinna mæðravernd og ungbarnavernd upp að 9 vikum á heilsugæslum HSA. 

Starfshlutfall er 100%
Umsóknarfrestur er til og með 24.08.2020

Nánari upplýsingar veitir
Sigríður Kristinsdóttir - [email protected] - 470-1450 
Oddný Ösp Gísladóttir - [email protected] - 470-1459 & 899-4301


Heilbrigðisstofnun Austurlands
Fjölskyldudeild
Mýrargötu 20
740 Neskaupstaður


Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira