Hoppa yfir valmynd
SérfræðistörfHöfuðborgarsvæðið202009/1420yfjastofnun

Lyfjastofnun óskar eftir að ráða sérfræðing í aðgengismati á skráningarsvið - Umsóknarfrestur framlengdur til 28. september

Lyfjastofnun óskar eftir að ráða sérfræðing í aðgengismati á skráningarsvið


Lyfjastofnun auglýsir laust starf sérfræðings í lyfjagátar- og aðgengismatsteymi. Teymið heyrir undir matsdeild á skráningarsviði. Leitað er að öflugum einstaklingi sem er reiðubúinn að vinna fjölbreytt og krefjandi starf. Starfshlutfall er 100% eða eftir samkomulagi. Markmið aðgengismats er að tryggja að lyf uppfylli þær kröfur sem gerðar eru varðandi aðgengi og þar með öryggi og verkun. 
Önnur verkefni deildarinnar eru m.a. gæðamat og lyfjagátarmat vegna umsókna um markaðsleyfi og endurnýjun markaðsleyfa,  mat á rannsóknarlyfjum í klínískum rannsóknum, vísindaráðgjöf og mat á lausasöluumsóknum.


Almennt um starfið: 
Aðgengismat felur í sér mat á umsóknargögnum sem varða framkvæmd og niðurstöður aðgengisrannsókna (e. bioequivalence studies). Aðgengi lyfs sem sótt er um markaðsleyfi fyrir er borið saman við samanburðarlyf með því að skoða helstu breytur tengdar lyfjahvörfum (AUC, Cmax,,Tmax). Í þessu felst einnig mat á gildingu aðferðar sem notuð er til að mæla sýni sem tekin eru úr þátttakendum og mat á forklínísku og klínísku yfirliti.


Helstu verkefni:
Mat á aðgengisgögnum og ritun matsskýrslna vegna umsókna um markaðsleyfi lyfja
Mat á samantekt á eiginleikum lyfja og fylgiseðla í tengslum við aðgengismat 
Þátttaka í EES samvinnu t.d. vísindaráðgjöf
Önnur verkefni sem heyra undir teymið/deildina 


Menntunar- og hæfniskröfur:  
Meistarapróf í lyfjafræði, lyfjavísindum, líffræði eða sambærileg menntun sem nýtist í starfi
Starfsreynsla sem nýtist í starfi
Nákvæm, skipulögð og sjálfstæð vinnubrögð
Frumkvæði, sveigjanleiki og lausnamiðaðir vinnuhættir
Mjög góð samskipta- og samstarfshæfni
Mjög gott vald á ensku í ræðu og riti 
Góð tölvukunnátta


Lyfjastofnun er ríkisstofnun sem heyrir undir heilbrigðisráðherra
Helstu hlutverk hennar eru að gefa út markaðsleyfi fyrir lyf á Íslandi í samvinnu við lyfjayfirvöld á Evrópska efnahagssvæðinu, hafa eftirlit með lyfjafyrirtækjum og heilbrigðisstofnunum á Íslandi, meta gæði og öryggi lyfja og tryggja faglega upplýsingagjöf um lyf til heilbrigðisstarfsfólks og neytenda
Lyfjastofnun leggur áherslu á gott vinnuumhverfi, starfsþróun og framfylgir stefnu um samræmingu fjölskyldulífs og vinnu
Gildi Lyfjastofnunar eru gæði – traust – þjónusta


Nánari upplýsingar um starfið veita Guðrún Stefánsdóttir, teymisstjóri lyfjagátar og aðgengismatsteymis: [email protected], og Sigríður Dröfn Ámundadóttir, mannauðsstjóri Lyfjastofnunar: sigridur.[email protected], í síma: 520-2100. 
Laun eru samkvæmt kjarasamningi fjármálaráðherra og hlutaðeigandi stéttarfélags
Lyfjastofnun hvetur bæði karla og konur til að sækja um starfið
Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í 6 mánuði frá lokum umsóknarfrests


Umsóknarfrestur er til og með 28.09.2020
Allar umsóknir berist til ráðningarvefs Alfreðs: Smellið HÉR

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira