Hoppa yfir valmynd
HeilbrigðisþjónustaHöfuðborgarsvæðið202009/1433Landspítali

Talmeinafræðingur/ afleysingastarf á Landspítala

Talmeinafræðingur/ afleysingastarf á Landspítala


Talmeinafræðingur óskast til starfa við talmeinaþjónustu Landspítala. Um er að ræða tímabundið starf til eins árs frá 1. desember 2020. Möguleiki er á handleiðslu fyrir einstakling með MS próf í talmeinafræði án starfsleyfis en umsækjendur með starfsleyfi ganga fyrir við ráðningu.

Hjá talmeinaþjónustu Landspítala fer fram fjölbreytt starfsemi við greiningu, ráðgjöf og meðferð vegna tal- og raddmeina, málstols og kyngingartregðu einstaklinga á öllum aldri. Á vegum deildarinnar fer fram reglubundin fræðsla heilbrigðisstétta. Á deildinni starfar nú samhentur hópur 9 talmeinafræðingar sem sinna fjölbreyttum og spennandi störfum víða um spítalann. Talmeinafræðingar á Landspítala starfa í öflugum þverfaglegum teymum og í nánu samstarfi við aðrar deildir spítalans.


Helstu verkefni og ábyrgð
» Greining, meðferð og ráðgjöf vegna tal- og máltruflana
» Greining, meðferð og ráðgjöf vegna kyngingartregðu
» Þverfagleg teymisvinna
» Sérhæfð verkefni sem heyra undir fagsvið talmeinafræði


Hæfnikröfur
» Góð samskiptahæfni og fagleg framkoma
» Hæfni og geta til að starfa í teymi
» Faglegur metnaður og sjálfstæði í starfi
» Frumkvæði, yfirsýn og skipulagsfærni
» Íslenskt starfsleyfi
» MS próf í talmeinafræði
» Góð íslenskukunnátta


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Fræðagarður hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 100%
Umsóknarfrestur er til og með 01.10.2020


Nánari upplýsingar veitir
Ester Sighvatsdóttir - [email protected] - 825 5900


Landspítali
Talmeinaþjónusta
Grensási
108 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira