Hoppa yfir valmynd
HeilbrigðisþjónustaHöfuðborgarsvæðið202009/1461Landspítali

Almennur læknir/ tímabundið starf á dag- og göngudeild blóð- og krabbameinslækninga

Almennur læknir/ tímabundið starf á dag- og göngudeild blóð- og krabbameinslækninga


Laust er til umsóknar starf almenns læknis á dag- og göngudeild blóð- og krabbameinslækninga á Landspítala. Starfið er tímabundið til eins árs en möguleiki er á ráðningu til skemmri tíma, en þó ekki skemur en 6 mánuði. Upphaf starfs er samkvæmt samkomulagi.

Unnið er í náinni samvinnu við sérfræðilækna í krabbameinslækningum. Starfið felur í sér þverfaglega teymisvinnu með fjölmörgum öðrum sérgreinum læknisfræðinnar, svo sem skurðlækningum, lyflækningum, myndgreiningu og meinafræði. Einnig felur starfið í sér samvinnu við aðrar starfsstéttir sem sinna krabbameinssjúklingum. Starfið nýtist afar vel þeim sem hafa hug á frekari sérnámi í krabbameinslækningum en einnig þeim sem hugsanlega hyggja á frekara sérnám í öðrum greinum þar sem starfið á dag- og göngudeildinni er mjög fjölbreytt. 

Starfsumhverfið á dag- og göngudeild blóð- og krabbameinslækninga er lærdómsmiðað. Læknirinn fær sérstaka starfslýsingu og skipulagða handleiðslu sérfræðilæknis. Fagleg árvekni og endurskoðun klínískra leiðbeininga og verkferla er hluti af fagmennsku deildarinnar.

Vinnulagið á deildinni byggir á samvinnu fjölmargra starfsstétta með það að markmiði að gera meðferð og þjónustu við einstaklinga sem greinst hafa með krabbamein og ættingja þeirra skilvirkari.


Helstu verkefni og ábyrgð
» Þátttaka og þjálfun í ráðgjöf varðandi meðferð þeirra sem nýlega eru greindir með krabbamein, gerð meðferðaráætlunar og eftirlit með sjúklingum á meðan meðferð stendur
» Greina og meðhöndla bráðavandamál tengd krabbameinum og lyfjameðferð
» Þátttaka í samvinnu ólíkra sérgreina læknisfræðinnar s.s. eins og samráðsfundum
» Þátttaka í kennslu og vísindastarfi


Hæfnikröfur
» Almennt íslenskt lækningaleyfi 
» Framúrskarandi læknisfræðileg þekking
» Góð færni og lipurð í mannlegum samskiptum og teymisvinnu
» Öguð vinnubrögð
» Áhugi á að bæta sig í faglegu klínísku umhverfi
» Gott vald á íslensku máli 


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.
Tekið er mið af jafnréttisstefnu Landspítala við ráðningar á spítalanum. 

Nauðsynleg fylgiskjöl:
» Starfsferilsskrá
» Vottað afrit af prófskírteini og starfsleyfi

Viðtöl verða höfð við umsækjendur og byggist ákvörðun um ráðningu í starfið á þeim og innsendum gögnum. Öllum umsóknum verður svarað.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 100%
Umsóknarfrestur er til og með 30.10.2020


Nánari upplýsingar veitir
Agnes Smáradóttir - [email protected] - 825 5028



Landspítali
Lyflækningar krabbameina
Hringbraut
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira