Hoppa yfir valmynd
SérfræðistörfHöfuðborgarsvæðið202009/1459Stjórnarráðið

Kerfisstjóri – Umbra

Kerfisstjóri – Umbra


Umbra - þjónustumiðstöð Stjórnarráðsins leitar að kerfisstjóra með sterka tæknilega þekkingu á miðlægum Microsoft lausnum til að sinna kerfisstjórn og þjónustu við notendur ráðuneyta og stofnana. 

Helstu verkefni: 
Þátttaka í rekstri Microsoft 365 kerfa þar sem staðbundnum og skýjalausnum er blandað saman 
Kerfisstjórnun og notendaþjónusta 
Innleiðing og uppsetning nýrra kerfa og lausna 
Taka þátt í vali á lausnum í takt við tækniþróun á hverjum tíma 
Önnur tilfallandi verkefni í tengslum við þróun og rekstur á innri kerfum Umbru 

Menntunar- og hæfniskröfur: 
Nám í tölvunarfræði, kerfisfræði eða sambærilegt nám eða reynsla 
Reynsla af rekstri útstöðva, SCCM og PowerShell 
Reynsla af rekstri og innleiðingu tölvukerfa 
Góð þekking á Microsoft 365 geira (tenant) og á skýja- og staðbundnum lausnum Microsoft æskileg 
Góð almenn þekking og reynsla af Microsoft hugbúnaði, t.d. Active Directory, Azure, Intune, Exchange, Teams og Sharepoint 
Góð kunnátta í íslensku og ensku í ræðu og riti 
Rík vitund um upplýsingaöryggi 
Frumkvæði og góð samskiptahæfni, ásamt ríkri þjónustulund 
Metnaður til að ná árangri og hæfni til að tileinka sér nýjungar og breytingar 
Sjálfstæði í starfi og ögun í vinnubrögðum

Umbra - þjónustumiðstöð Stjórnarráðsins er miðlæg þjónustueining ráðuneytanna sem sér um tiltekna rekstrarlega þætti og annars konar þjónustu fyrir ráðuneyti og stofnanir. Starfsmenn eru 35 og notendur þjónustunnar á sjötta hundrað. Umbra er ISO27001 vottuð.


Öllum umsóknum verður svarað þegar ákvörðun um ráðningu liggur fyrir. Umsóknir geta gilt í sex mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum, með síðari breytingum.

Umsóknarfrestur er til 27. september. Umsóknir óskast fylltar út á www.hagvangur.is. Með umsókn um starfið skal fylgja ítarleg starfsferilsskrá. Æskilegt er að viðkomandi geti hafið störf sem fyrst. 


Nánari upplýsingar veita Stefanía Hildur Ásmundsdóttir, [email protected] og Hlynur Atli Magnússon, [email protected].


Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira