Hoppa yfir valmynd
HeilbrigðisþjónustaHöfuðborgarsvæðið202009/1451Heilsugæsla höfuðborgarsvæðisins

Málastjóri - Geðheilsuteymi HH austur

Málastjóri - Geðheilsuteymi HH austur


Heilsugæsla höfuðborgarsvæðisins leitar eftir hjúkrunarfræðingi eða félagsráðgjafa við Geðheilsuteymi HH austur sem er þverfaglegt meðferðarteymi. Teymið er til húsa í Stórhöfða 23. Um er að ræða tímabundið 80-100% starf til eins árs með möguleika á framtíðarstarfi. Æskilegt er að viðkomandi geti hafið störf sem fyrst eða eftir nánara samkomulagi.

Við Geðheilsuteymi HH starfa hjúkrunarfræðingar, geðsjúkraliði, geðlæknar, sálfræðingar, fjölskyldufræðingur, félagsráðgjafar, iðjuþjálfi, íþróttafræðingur, atvinnulífsráðgjafi, notendafulltrúar ásamt þjónustufulltrúum.

Við Geðheilsuteymi austur starfa reynslumiklir einstaklingar þar sem lögð er áhersla á að þjálfa upp starfsmenn, veita persónubundinn stuðning og handleiðslu. Góður starfsandi er í teyminu og gott vinnuumhverfi. Unnið er eftir batahugmyndafræði þar sem einstaklingsmiðuð þjónusta ýtir undir styrkleika og bjargráð notenda.


Helstu verkefni og ábyrgð
- Sinna málastjórn, þ.e. hafa umsjón og yfirlit yfir meðferð og úrræði ákveðins notendahóps
- Vinna í þverfaglegu meðferðarteymi 
- Samþætta meðferð og leita leiða til að bæta líðan skjólstæðinga 
- Setja fram meðferðaráætlun og sinna endurmati 
- Sinna ráðgjöf og fræðslu til notenda og aðstandenda
- Viðtöl á starfsstöð og/eða í heimavitjunum
- Námskeiðahald
- Skipulagning og þátttaka í fjölskyldufundum
- Samstarf við aðra fagaðila innan sem og utan stofnunar


Hæfnikröfur
- Íslenskt hjúkrunarleyfi eða starfsréttindi sem félagsráðgjafi
- Viðbótarnám eða sérnám er æskilegt
- Reynsla af vinnu með einstaklinga með geðraskanir skilyrði
- Reynsla af teymisvinnu er æskileg
- Klínísk reynsla innan geðheilbrigðiskerfisins s.l. 3 ár æskileg
- Framúrskarandi samskiptahæfni, framsýni og metnaður í starfi skilyrði
- Frumkvæði í starfi og góðir skipulagshæfileikar
- Hæfni og geta til að starfa í þverfaglegu teymi
- Faglegur metnaður og ábyrgð í starfi
- Reynsla af fræðslu- og námskeiðahaldi æskileg
- Hæfni og áhugi á verkefnavinnu
- Góð íslenskukunnátta og góð almenn tölvukunnátta skilyrði


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Umsókn skal fylgja ítarleg náms- og starfsferilsskrá. Jafnframt skal leggja fram leyfisbréf og staðfestar upplýsingar um menntun. 

Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði. 


Starfshlutfall er 80 - 100%
Umsóknarfrestur er til og með 12.10.2020


Nánari upplýsingar veitir
Sigríður Hrönn Bjarnadóttir - [email protected] - 513-6330



Geðheilsuteymi austur, hjúkrun
Álfabakki 16
109 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira