Hoppa yfir valmynd
SérfræðistörfEgilsstaðir202009/1463Vinnueftirlitið

Sérfræðingur fyrirtækjaeftirlit á Austurlandi

Sérfræðingur í fyrirtækjaeftirlit á Austurlandi


Vinnueftirlitið óskar eftir að ráða sérfræðing í fyrirtækjaeftirliti á Austurlandi með aðsetur á Egilsstöðum
 
Við leitum að metnaðarfullum, sjálfstæðum og drífandi einstaklingi með mikinn áhuga á vinnuverndarstarfi, til að ganga til liðs við teymi sérfræðinga sem hafa eftirlit með fyrirtækjum og stofnunum skv. lögum nr. 46/1980 um aðbúnað, hollustuhætti og öryggi á vinnustöðum. Starfið heyrir undir sviðsstjóra. 

Helstu verkefni og ábyrgð
 Þátttaka í skipulagningu og framkvæmd eftirlits með aðbúnaði, hollustuháttum og öryggi á vinnustöðum sbr. ákvæði laga nr. 46/1980.
 Rannsókn vinnuslysa og gerð skýrslna vegna eftirlits og eftirfylgni með fyrirmælum sem sett eru fram. 
 Þátttaka í umbótastarfi og þróun eftirlits sem stofnunin sinnir.
 Fræðsla og upplýsingagjöf á sviði vinnuverndar. Leiðbeiningar til atvinnurekenda og starfsfólks um góða vinnuvernd með áherslu á forvarnir og góða vinnustaðamenningu.


Menntunar- og hæfniskröfur
 Menntun sem nýtist í starfi, t.d. iðnnám (meistararéttindi), iðnfræði, grunnnám á háskólastigi (BS/BA próf t.d. á tækni-, heilbrigðis- eða félagsvísindasviði)
 Þekking og reynsla sem nýtist í starfi 
 Góð greiningarhæfni 
 Góð íslenskukunnátta og þjálfun í framsetningu ritaðs máls 
 Kunnátta í ensku og/eða norðurlandamálum er æskileg 
 Frumkvæði, skipulagshæfni og sjálfstæði í starfi 
 Sveigjanleiki og mikil hæfni í mannlegum samskiptum 
 Reynsla af fræðslu- og kynningarstarfi er kostur 
 Góð almenn tölvukunnátta


Starfshlutfall er 100% og starfið felur í sér ferðalög að hluta til.  
Starfsþjálfun fer fram við upphaf starfs. 
Laun eru skv. kjarasamningum opinberra starfsmanna.  
Fólk af öllum kynjum er hvatt til að sækja um starfið.  
 
Vinnueftirlitið er miðstöð vinnuverndarstarfs í landinu og er hlutverk þess að tryggja að allir komi heilir heim úr vinnu. Lykilþættir í starfsemi stofnunarinnar er að stuðla að öruggu og heilsusamlegu vinnuumhverfi með áherslu á forvarnir og eftirlit með vinnuumhverfi vinnustaða og með vinnuvélum og tækjum. Einnig annast stofnunin fræðslu um vinnuvernd, virka innleiðingu öryggismenningar á vinnustöðum og markvissar aðferðir í vinnuverndarstarfi. Vinnueftirlitið tekur jafnframt þátt í rannsóknarstarfi á sviði vinnuverndar. Gildi Vinnueftirlitsins eru frumkvæði, forvarnir og fagmennska. Nánari upplýsingar um stofnunina má finna á heimasíðu hennar www.vinnueftirlit.is
 
Umsóknarfrestur er til 26. september nk. Umsóknum skal skilað á vefsíðu www.alfred.is. Vinsamlegast sækið um á alfred.is. Öllum umsóknum verður svarað. Umsóknir gilda í sex mánuði frá því umsóknarfrestur rennur út.
 
Nánari upplýsingar um starfið veitir Brynjar Þ. Jónasson, sviðsstjóri, í síma 550 4600 eða [email protected] 

Frumkvæði - Forvarnir - Fagmennska 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira