Hoppa yfir valmynd
LöggæslustörfHöfuðborgarsvæðið202009/1440Ríkislögreglustjóri

Staða yfirlögregluþjóns almannavarna ríkislögreglustjóra laus til umsóknar

Staða yfirlögregluþjóns almannavarna ríkislögreglustjóra laus til umsóknar

Auglýst er laus til umsóknar staða yfirlögregluþjóns á almannavarnasviði við embætti ríkislögreglustjóra í samræmi við nýtt skipurit embættisins. Um er að ræða nýtt starf sem heyrir beint undir ríkislögreglustjóra. Svið almannavarna stýrir undirbúningi og samhæfingu almannavarnaviðbúnaðar á Íslandi. Ber ábyrgð á samstarfi í Samhæfingarstöð almannavarna, fer með stjórn aðgerða við alvarleg áföll og aðstoðar við endurreisn og uppbyggingu samfélaga eftir áföll. Hlutverk sviðsins er einnig að sinna samhæfingu og samstarfi við leit og björgun og verkefnastjórn fyrir embættið, lögregluráð og eftir atvikum fyrir önnur embætti. 

Leitað er að einstaklingi sem hefur vilja og færni til að styðja við megináherslur embættisins, sem eru þjónusta, forysta, mannauður, nýsköpun og samstarf.

Almennt starfssvið yfirlögregluþjóns:
Dagleg yfirstjórn almannavarnasviðs.
Ábyrgð á undirbúningi og samhæfingu almannavarnaviðbragða í samstarfi við fjölda aðila.
Stjórn aðgerða í samhæfingar- og stjórnstöð almannavarna.
Ábyrgð á nýsköpun og stafrænni þróun sviðsins.
Almenn stefnumótun og yfirumsjón með áætlanagerð og innra skipulagi sviðsins.
Uppbygging mannauðs og liðsheildar ásamt ábyrgð á mannauðsmálum sviðsins.
Samskipti við ráðuneyti, stofnanir og önnur lögregluembætti. 
Kemur fram fyrir hönd embættisins þegar um er að ræða málaflokka sem undir sviðið heyra. 
Ber ábyrgð á og tekur þátt í erlendu samstarfi á vegum alþjóðastofnana sem falla undir verksvið sviðsins. 
Önnur verkefni skv. nánari ákvörðun ríkislögreglustjóra.


Menntunar- og hæfniskröfur:
Hafa lokið próf frá Lögregluskóla ríkisins eða diplómanámi í lögreglufræðum sem jafngildir a.m.k. 120 stöðluðum námseiningum, þ.m.t. starfsnámi á vegum lögreglunnar.
Hafa starfað sem lögreglumaður í að minnsta kosti fimm ár eftir að hafa lokið prófi frá Lögregluskóla ríkisins eða diplómaprófi í lögreglufræðum, sbr. 2. mgr. 14. gr. reglugerðar         um starfsstig innan lögreglunnar nr. 1051/2006.
Mikil reynsla og þekking á almannavörnum og störfum viðbragðsaðila er skilyrði.
Reynsla af stjórn almannavarnaaðgerða er skilyrði. 
Þekking á verkefnastjórn og breytingastjórn er skilyrði. 
Þekking og reynsla af nýsköpun og stafrænni þróun er kostur.
Framúrskarandi leiðtoga- og samskiptahæfileikar. 
Frumkvæði, þjónustulund og jákvætt viðhorf.
Reynsla og þekking af störfum lögreglu og brennandi áhugi á öryggis- og löggæslumálum.
Góð þekking og reynsla af alþjóðlegu samstarfi á sviði almannavarna og neyðaraðgerða er kostur.
Reynsla af vísindarannsóknum sem tengjast almannavörnum er kostur.
Gott vald á íslensku og ensku í ræðu og riti. 

Nánari upplýsingar um starfið og ráðningarferlið veitir Helgi Valberg Jensson í síma 444 2500 ([email protected]). Umsóknarfrestur er til og með 28. september nk. Upphafsdagur ráðningar er 1. nóvember 2020.


Umsóknum skal skila rafrænt á [email protected]

Með umsóknum skal fylgja ítarleg ferilskrá, afrit af prófskírteinum og kynningarbréf þar sem gerð er grein fyrir ástæðu umsóknar, hæfni til að sinna starfinu miðað við þær hæfniskröfur sem settar eru fram í auglýsingu og framtíðarsýn. Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin.

Um laun og starfskjör yfirlögregluþjóna fer samkvæmt kjarasamningi fjármálaráðherra f.h. ríkissjóðs og viðkomandi stéttarfélags. Um fullt starf er að ræða og er meginstarfsstöð starfsins í Reykjavík. 

Vakin er athygli á því að samkvæmt 28. gr. a. lögreglulaga nr. 90/1996 má engan skipa, setja eða ráða til starfa hjá lögreglu sem hefur hlotið fangelsisdóm fyrir refsiverðan verknað sem framinn var eftir að hann varð fullra 18 ára eða sýnt af sér háttsemi sem getur rýrt það traust sem starfsmenn lögreglu verða almennt að njóta. Til þess að staðreyna þetta er lögreglu heimilt að afla upplýsinga úr sakaskrá og málaskrám lögreglu.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira