Hoppa yfir valmynd
HeilbrigðisþjónustaHöfuðborgarsvæðið202009/1476Landspítali

Hjúkrunarfræðingar óskast á göngudeild BUGL

Hjúkrunarfræðingar óskast á göngudeild BUGL


Laus eru til umsóknar störf hjúkrunarfræðinga á göngudeild BUGL frá 1. október 2020 eða eftir nánara samkomulagi, um er að ræða 2 stöðugildi. Á deildinni starfar öflugur hópur fagaðila s.s. hjúkrunarfræðingar, læknar, sálfræðingar, iðjuþjálfar og félagsráðgjafar. Góðir möguleikar eru til starfsþróunar. 

Á göngudeild BUGL er veitt sérhæfð þverfagleg þjónusta sem tekur mið af þörfum barna og fjölskyldna þeirra. Unnið í þverfaglegum teymum og er mikil samvinna höfð við fagaðila í nærumhverfi. Á deildinni er tekið á móti börnum upp að 18 ára aldri sem eiga við geðheilsuvanda að stríða og er lögð áhersla á alúð í samskiptum og gott samstarf við foreldra/forráðamenn.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs Landspítala (sjá myndskeið undir frekari upplýsingar).


Helstu verkefni og ábyrgð
» Móttaka, meðferð og eftirfylgni barna og unglinga með þroska- og geðraskanir
» Fræðsla, þjálfun og ráðgjöf til barna og fjölskyldna þeirra
» Teymisvinna við sérhæfða þverfaglega þjónustu
» Þátttaka í umbóta og gæðastarfi


Hæfnikröfur
» Íslenskt hjúkrunarleyfi
» Framhaldsnám í geðhjúkrun eða skyldum greinum er æskilegt
» Menntun á sviði fjölskyldumeðferðar er æskileg
» Reynsla af meðferðarstarfi með börnum og fjölskyldum er æskileg
» Mjög góð samskiptahæfni og hæfni til að vinna í teymum
» Sveigjanleiki og sjálfstæði í vinnubrögðum
» Áhugi á þverfaglegu samstarfi
» Hreint sakavottorð


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggir á innsendum gögnum og viðtölum. Öllum umsóknum verður svarað.

Umsækjendur skulu skila inn nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002. 

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Handleiðsla og fræðsla á starfsþróunarári (myndskeið)


Starfshlutfall er 80 - 100%
Umsóknarfrestur er til og með 28.09.2020


Nánari upplýsingar veitir
Helga Jörgensdóttir - [email protected] - 824 5783



Landspítali
Göngudeild BUGL
Dalbraut 12
105 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira