Hoppa yfir valmynd
Kennsla og rannsóknirHöfuðborgarsvæðið202009/1472Háskóli Íslands

Lektor í líffræði hryggleysingja við Verkfræði- og náttúruvísindasvið Háskóla Íslands

Lektor í líffræði hryggleysingja við Verkfræði- og náttúruvísindasvið Háskóla Íslands


Laust er til umsóknar starf lektors á sviði líffræði hryggleysingja við Líf- og umhverfisvísindadeild Háskóla Íslands. 


Helstu verkefni og ábyrgð
Leitað er að áhugasömum og drífandi einstaklingi sem stundar rannsóknir á sviði líffræði hryggleysingja. Viðkomandi er ætlað að kenna námskeið fyrir grunnnema um dýrafræði hryggleysingja og taka þátt í kennslu á skyldum greinum bæði í grunn- og framhaldsnámi. Þess er vænst að lektorinn leiðbeini nemendum á meistara- og doktorsstigi, afli fjármagns frá utanaðkomandi aðilum til rannsókna og taki þátt í öðrum störfum deildar.


Hæfnikröfur
>> Doktorspróf í líffræði
>> Góður árangur í rannsóknum sem tengjast líffræði hryggleysingja, að teknu tilliti til hversu lengi viðkomandi hefur starfað að rannsóknum.
>> Haldbær kennslureynsla og vilji fyrir kennsluþróun.
>> Frumkvæði í starfi og skipulagshæfni eru ákjósanlegir kostir.
>> Góð samstarfshæfni og lipurð í mannlegum samskiptum.
>> Góð enskukunnátta í rituðuog töluðu máli.

Við ráðningu verður horft til þess að umsækjendur falli sem best að aðstæðum og þörfum Líf- og umhverfisvísindadeildar Háskóla Íslands.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Umsókninni skal fylgja: Vottorð um doktorspróf, skýrslu um námsferil og störf, ritaskrá, greinargerð um kennslu og viðhorf umsækjenda til hennar, og greinargerð um rannsóknaráform. Einnig skal nefna þrjá umsagnaraðila sem þekkja til kennslu og/eða rannsóknarstarfa umsækjanda. Umsækjendur skulu velja allt að átta ritverka sinna, sem þeir telja að tengist auglýstu starfi mest, og senda með umsókn eða vísa til þess hvar þau má finna rafrænt. Gera skal grein fyrir framlagi umsækjanda til fjölhöfundaverka. Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 2, 101 Reykjavík. 

Ráðið verður í starfið til fimm ára, með möguleika á ótímabundinni ráðningu að þeim tíma liðnum sbr. 3. mgr. 31. gr. reglna fyrir Háskóla Íslands nr. 569/2009. Rektor er heimilt að veita framgang í starfi strax við nýráðningu uppfylli viðkomandi þau skilyrði sem kveðið er á um í reglum nr. 263/2010 um framgang og tímabundna ráðningu akademískra starfsmanna við Háskóla Íslands.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008 og reglna fyrir Háskóla Íslands nr. 569/2009.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Háskóli Íslands er gróskumikið þekkingarsamfélag og er fjölbreyttur og lifandi vinnustaður. Akademískt frelsi, fagmennska og jafnrétti eru gildi skólans og er mikið lagt upp úr sveigjanleika og þátttöku starfsmanna í uppbygginu náms og rannsókna við skólann. Á Verkfræði- og náttúruvísindasviði starfa um 390 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Á sviðinu eru um 2000 nemendur.


Starfshlutfall er 100%
Umsóknarfrestur er til og með 12.10.2020


Nánari upplýsingar veitir
Arnar Pálsson - [email protected] - 525 4265



Háskóli Íslands
Líf- og umhverfisvísindadeild
Hjarðarhaga 2-6
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira