Hoppa yfir valmynd
Kennsla og rannsóknirHöfuðborgarsvæðíð202009/1562Háskóli Íslands

Lektor í náms- og starfsráðgjöf við Félagsvísindasvið

Lektor í náms- og starfsráðgjöf við Félagsvísindasvið


Laust er til umsóknar fullt starf lektors í náms- og starfsráðgjöf við Félagsfræði-, mannfræði- og þjóðfræðideild við Félagsvísindasvið Háskóla Íslands. 


Helstu verkefni og ábyrgð
>> Að kenna og leiðbeina nemendum í náms- og starfsráðgjöf.
>> Að taka þátt í þróun náms á sviði náms- og starfsráðgjafar.
>> Að stunda rannsóknir á sviði náms- og starfsráðgjafar.
>> Að sinna stjórnunar- og þjónustuþætti starfsins.


Hæfnikröfur
>>Umsækjandi skal hafa lokið meistaraprófi í náms- og starfsráðgjöf og hafa þekkingu og reynslu í samræmi við alþjóðleg viðmið fyrir starfsheiti lektors á sviðinu, staðfest með áliti dómnefndar eða með doktorsprófi frá viðurkenndum háskóla.
>> Virkni og hæfni í rannsóknum í náms- og starfsráðgjöf. 
>> Þekking á eigindlegar rannsóknir æskileg.
>> Reynsla af kennslu á háskólastigi. 
>> Reynsla í starfi náms- og starfsráðgjafa.
>> Hæfni í mannlegum samskiptum, áreiðanleiki, frumkvæði og sjálfstæði í vinnubrögðum ásamt góðri hæfni til að miðla þekkingu.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.
Við ráðningu verður miðað við að sá er starfið hlýtur falli sem best að aðstæðum og þörfum námsbrautar í náms- og starfsráðgjöf og Félagsvísindasviðs.

Ráðið verður í starfið til fimm ára með möguleika á ótímabundinni ráðningu að þeim tíma liðnum, sbr. 3. mgr. 31. gr. reglna fyrir Háskóla Íslands nr. 569/2009. Miðað er við að ráðið verði í starfið frá 1. janúar 2021, eða samkvæmt nánara samkomulagi, þó ekki fyrr en lokið er störfum þeirra nefnda sem um ráðninguna fjalla. 

Umsækjendur skulu láta eftirfarandi gögn fylgja umsókn sinni. 
1. Kynningarbréf þar sem m.a. kemur fram hvernig umsækjandi uppfyllir hæfniskröfur
2. Vottorð um námsferil sinn
3. Akademíska ferilskrá (Curriculum Vitae)
4. Ritaskrá (auðkenna ber ritrýnt efni sérstaklega) 
5. Skýrslu um vísindastörf og önnur störf sem þeir hafa unnið
6. Greinargerð um rannsóknar- og kennsluáform ef til ráðningar kemur
7. Upplýsingar um þrjá mögulega umsagnaraðila sem hafa má samband við. 

Í umsókn skal koma fram hver ritverka sinna, allt að fimm talsins, umsækjandi telur veigamest með tilliti til þess starfs sem um ræðir. Umsækjandi sendir eingöngu þessi ritverk sín með umsókn eða vísar til þess hvar þau eru aðgengileg á rafrænu formi. Þegar fleiri en einn höfundur stendur að innsendur ritverki skulu umsækjendur gera grein fyrir framlagi sínu til verksins. Enn fremur er ætlast til þess að umsækjendur láti fylgja með umsagnir um kennslu- og stjórnunarstörf sín eftir því sem við á. 

Umsókn og umsóknargögnum sem ekki er skilað rafrænt skal skila í tvíriti til vísinda- og nýsköpunarsviðs Háskóla Íslands, Sæmundargötu 6, 101 Reykjavík. 

Um meðferð umsókna, mat á hæfni umsækjenda og ráðningu í starfið er farið eftir ákvæðum laga nr. 85/2008 um opinbera háskóla og reglna nr. 569/2009 fyrir Háskóla Íslands. Samkvæmt 38. gr. reglnanna er rektor heimilt að veita framgang í starf dósents eða prófessors við nýráðningu uppfylli viðkomandi þau skilyrði. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Við ráðningu í störf í Háskóla Íslands er tekið mið af jafnréttisáætlun skólans, sjá hér: http://www.hi.is/haskolinn/jafnrettisaaetlun#markmid2.

Vakin er athygli á málstefnu Háskóla Íslands, sjá hér: https://www.hi.is/haskolinn/malstefna_haskola_islands.

Námsbraut í náms- og starfsráðgjöf starfar innan Félagsfræði-, mannfræði- og þjóðfræðideildar sem er ein sex deilda Félagsvísindasviðs. Markmið námsbrautar í náms- og starfsráðgjöf er að brautskrá framúrskarandi náms- og starfsráðgjafa sem eiga þátt í því að efla fagið innan skólans sem utan. 

Á Félagsvísindasviði starfa á þriðja hundrað manns að kennslu og rannsóknum. Vísindafólk sviðsins stundar grunnrannsóknir, hagnýtar rannsóknir og þjónusturannsóknir og lögð er áhersla á fjölbreytta miðlun þekkingar, öflugar samræður víð íslenskt samfélag og alþjóðlega fræðasamfélagið. 

Háskóli Íslands er alþjóðlegur rannsóknaháskóli og stærsta kennslu-, rannsókna- og vísindastofnun landsins. Um 1.500 starfsmenn starfa í föstum störfum við skólann og um 2.200 eru lausráðnir. Nemendur við skólann eru um 12.500. Skólinn skiptist í sex grunneiningar, miðlæga stjórnsýslu og fimm fræðasvið. Háskóli Íslands býður fjölbreytt nám á öllum stigum og er eini háskóli landsins sem býður grunn- og framhaldsnám á öllum helstu fræðasviðum. 


Starfshlutfall er 100%
Umsóknarfrestur er til og með 29.10.2020


Nánari upplýsingar veitir
Sif Einarsdóttir - [email protected] - 861 7317



Háskóli Íslands
Félagsfræði-, mannfræði- og þjóðfræðideild
Sæmundargötu 4
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira