Hoppa yfir valmynd
SérfræðistörfAkureyri202010/1580Fiskistofa

Sviðsstjóri þjónustu- og upplýsingasviðs

Sviðsstjóri þjónustu- og upplýsingasviðs

Fiskistofa óskar eftir að ráða jákvæðan og drífandi einstakling í starf sviðsstjóra þjónustu- og upplýsingasviðs á Akureyri. Um fullt starf er að ræða og er ráðið í starfið frá áramótum. Starfið heyrir undir fiskistofustjóra og mun viðkomandi sitja í yfirstjórn Fiskistofu. 

Um Fiskistofu: 
Fiskistofa hefur það meginhlutverk að gæta hagsmuna þjóðarinnar við sjálfbæra nýtingu hafs og vatna. Stofnunin er þjónustu- og eftirlitsstofnun sem annast stjórnsýsluverkefni á sviði sjávarútvegsmála, lax- og silungsveiði, hvalveiðar o.fl. ásamt því að safna upplýsingum um framangreinda málaflokka. Fiskistofa sinnir eftirliti sínu við fisksveiðistjórnun á sex starfsstöðvum á Íslandi. 
Fjöldi starfsfólks Fiskistofu er rúmlega 60 og eru gildi þess traust, framsækni og virðing. 
Höfuðstöðvar stofnunarinnar eru á Akureyri. Nánari upplýsingar má finna á www.fiskistofa.is

Helstu viðfangsefni og ábyrgð: 
Ábyrgð á daglegri starfsemi sviðsins
Áætlanagerð og markmiðasetning 
Ábyrgð á þjónustu sviðsins
Stjórnun og stuðningur við mannauð
Þróunarstarf og verkefnastjórnun 
Ábyrgð á útgefnu efni og ritstjórn heimasíðu
Ábyrgð á skjalastýringu

Menntunar- og hæfniskröfur:
Háskólamenntun á meistarastigi sem nýtist í starfi
Farsæl reynsla af stjórnun 
Góður talnaskilningur og þekking eða reynsla af hagnýtingu á upplýsingatækni við greiningar og framsetningu gagna
Þekking á sjávarútvegi er kostur
Reynsla af opinberri stjórnsýslu er kostur
Haldbær reynsla eða menntun í þjónustustjórnun og kynningarmálum er kostur
Leiðtogahæfileikar, þjónustulund og metnaður til að ná árangri
Góð færni í mannlegum samskiptum og teymisvinnu
Mjög góð kunnátta í íslensku og ensku og góð hæfni til að miðla upplýsingum í ræðu og riti


Í launastefnu sinni leggur Fiskistofa áherslu á að greiða samkeppnishæf laun og hefur stofnunin hlotið jafnlaunavottun. Athygli er vakin á því að umsóknir munu gilda í 6 mánuði frá því að umsóknarfrestur rennur út. Áhugasamir einstaklingar, af öllum kynjum og aldri, eru hvattir til að sækja um starfið. 

Umsóknarfrestur er til og með 20. október 2020. Umsókn óskast fyllt út á www.intellecta.is og þarf að fylgja ítarleg starfsferilskrá og kynningarbréf þar sem gerð er grein fyrir hæfni umsækjanda sem nýtist í starfi.

Nánari upplýsingar um starfið veita Thelma Kristín Kvaran ([email protected]) í síma 511 1225 og Hildur Ösp Gylfadóttir ([email protected]) í síma 569 7900.

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira