Hoppa yfir valmynd
HeilbrigðisþjónustaHöfuðborgarsvæðíð202010/1594Heilsugæsla höfuðborgarsvæðisins

Heimilislæknir - Heilsugæslan Árbæ

Heimilislæknir - Heilsugæslan Árbæ


Laust er til umsóknar ótímabundið starf heimilislæknis við Heilsugæsluna Árbæ. Um er að ræða ábyrgðarmikið og krefjandi starf og spennandi vettvang fyrir lækni sem áhuga hefur á nýsköpun og framþróun í heilsugæslu. Viðkomandi þarf að geta hafið störf 1. janúar 2020 eða eftir nánara samkomulagi. 

Á heilsugæslustöðinni eru starfandi sérfræðingar í heimilislækningum ásamt sérnámslæknum, sálfræðingum, hjúkrunarfræðingum, ljósmæðrum, riturum og sjúkraþjálfara.

Heilsugæslan Árbæ er hverfisstöð og er fyrst og fremst ætlað að þjóna íbúum Árbæjar, Seláss, Ártúnsholts, Grafarholts og Norðlingaholts. Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).


Helstu verkefni og ábyrgð
Starfssvið heimilislæknis er æði víðtækt og felst m.a. í almennum lækningum, heilsuvernd og vaktþjónustu. Hann veitir fræðslu og upplýsingar og leiðbeinir skjólstæðingum og aðstandendum. 
Heimilislæknir er virkur þátttakandi í þróun og uppbyggingu heimilislækninga, sinnir kennslu starfsfólks og nema og tekur þátt í vísinda-, þróunar- og gæðastarfi. 


Hæfnikröfur
- Íslenskt lækningaleyfi
- Sérfræðimenntun í heimilislækningum er æskileg
- Skipulagshæfni, sjálfstæði í starfi og öguð vinnubrögð
- Reynsla af kennslu er æskileg
- Góð hæfni í mannlegum samskiptum 
- Reynsla og áhugi til samstarfs við aðrar starfsstéttir og þátttaka í teymisvinnu
- Áreiðanleiki, faglegur metnaður, jákvæðni og sveigjanleiki
- Góð almenn tölvukunnátta
- Íslenskukunnátta skilyrði 


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Læknafélag Íslands heilsugæslulæknar hafa gert.
Stéttarfélag er Læknafélag Íslands.

Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. Jafnframt skal leggja fram staðfestar upplýsingar um læknismenntun, læknisstörf, vísinda- og rannsóknarstörf. Gögn sem ekki er hægt að senda rafrænt skulu berast Svövu Þorkelsdóttur, mannauðsstjóra Heilsugæslu höfuðborgarsvæðisins, Álfabakka 16, 109 Reykjavík. 

Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu hefur verið tekin.

Tekið er mið af jafnréttisstefnu Heilsugæslu höfuðborgarsvæðisins við ráðningu í starfið. Umsókn getur gilt í 6 mánuði.


Starfshlutfall er 100%
Umsóknarfrestur er til og með 19.10.2020


Nánari upplýsingar veitir
Helga Sævarsdóttir - [email protected] - 513-5200
Guðmundur Karl Sigurðsson - [email protected] - 513-5200



Árbæ lækningar
Hraunbæ 115
110 Reykjavík



Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira