Hoppa yfir valmynd
HeilbrigðisþjónustaKeflavík202010/1604Heilbrigðisstofnun Suðurnesja

Hjúkrunardeildarstjóri heilsugæslu Heilbrigðisstofnunar Suðurnesja HSS

Hjúkrunardeildarstjóri heilsugæslu Heilbrigðisstofnunar Suðurnesja HSS


Heilbrigðisstofnun Suðurnesja (HSS) auglýsir nýtt starf hjúkrunardeildarstjóra heilsugæslu laust til umsóknar. Ráðið verður í starfið frá og með 1. jan. 2021.

Hjúkrunardeildarstjóri heilsugæslu ber ábyrgð á skipulagningu hjúkrunarþjónustu. Mikil áhersla er lögð á samvinnu fagstétta og að þjónustuþarfir skjólstæðinga séu ávallt í fyrirrúmi. Um er að ræða krefjandi starf sem reynir á frumkvæði, skipulagshæfileika og samskiptahæfni. Starfshlutfall er 100%. Næsti yfirmaður verður framkvæmdastjóri hjúkrunar. 

HSS hefur gert breytingu í skipulagi og rekstri sem miðar að því að auka þjónustu við notendur, nýta betur fjármuni og bæta vinnuumhverfi starfsmanna.

Heilsugæslan á að vera fyrsti viðkomustaður í heilbrigðisþjónustunni þar sem ólíkum þörfum notenda er mætt og þeim leiðbeint yfir í önnur kerfi heilbrigðisþjónustunnar eftir því sem þörf er á. Til að gera þjónustuna markvissari er lagt upp með þverfaglegri teymisvinnu heilbrigðisstarfsmanna sem grunnstef í starfseminni. 


Helstu verkefni og ábyrgð
Starfar í samræmi við yfirlýsingu HSS um ábyrgðasvið stjórnenda
Annast skipulag, verkstjórn og samhæfingu innan fagsviðs, í samræmi við stefnu og markmið HSS
Vinnur náið með yfirlækni heilsugæslu við daglegan rekstur heilsugæslunnar
Er faglegur yfirmaður á sínu sviði og sinnir klínísku starfi samhliða 
Innleiðir nýjungar og vinnur að breytingum á starfsemi til hagsbóta fyrir skjólstæðinga
Tekur þátt í gerð, innleiðingu og notkun klínískra leiðbeininga
Stuðlar að góðri vinnustaðamenningu
Tekur þátt í vísinda-, þróunar- og gæðastarfi
Skipuleggur kennslu fyrir heilbrigðisstéttir í samráði við yfirlækni, kennslustjóra og lærimeistara


Hæfnikröfur
Íslenskt hjúkrunarleyfi er skilyrði
Framhaldsmenntun í hjúkrun er æskileg
Reynsla á sviði stjórnunar æskileg
Reynsla af starfi í heilsugæslu er kostur
Reynsla af og áhugi á teymisvinnu og breytingastjórnun
Framúrskarandi samskiptahæfni
Leiðtogahæfni, frumkvæði og metnaður til að ná árangri í starfi
Sjálfstæði, góð skipulagshæfni og færni til að vinna í hóp


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.
Sótt er um starfið rafrænt á www.hss.is undir Laus störf. Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.

Á Heilbrigðisstofnun Suðurnesja eru þrjú svið; heilsugæslusvið, sjúkrahússsvið og hjúkrunarsvið. Starfsstöðvar eru í þremur sveitarfélögum; Grindavík, Reykjanesbæ og Vogum. Íbúafjöldi upptökusvæðisins, sem er Reykjanesið, er um 28.000 íbúar auk alþjóðaflugvallar. 


Starfshlutfall er 100%
Umsóknarfrestur er til og með 26.10.2020


Nánari upplýsingar veitir
Alma María Rögnvaldsdóttir - [email protected] - 4220500



Hg Keflavík Hjúkrunarfræðingar
Skólavegur 6-8
230 Reykjanesbær


Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira