Hoppa yfir valmynd
SérfræðistörfKeflavík202010/1603Heilbrigðisstofnun Suðurnesja

Mannauðsstjóri Heilbrigðisstofnunar Suðurnesja

Mannauðsstjóri Heilbrigðisstofnunar Suðurnesja


Heilbrigðisstofnun Suðurnesja (HSS) auglýsir nýtt starf mannauðsstjóra laust til umsóknar.
Mannauðsstjóri hefur yfirumsjón með mannauðsmálum stofnunarinnar og vinnur náið með forstjóra og framkvæmdastjórn. Meginhlutverk mannauðsstjóra verður að þróa og byggja upp mannauðsmál HSS og veita stjórnendum alhliða ráðgjöf á sviði mannauðsmála. Næsti yfirmaður verður forstjóri HSS. Ráðið verður í starfið frá og með 1. janúar 2021. 
Leitað er að drífandi og metnaðarfullum einstaklingi með reynslu af mannauðsmálum.


Helstu verkefni og ábyrgð
Ábyrgðarsvið:
Ábyrgð á að móta og innleiða mannauðsstefnu HSS og að starfsþróun innan stofnunarinnar sé í samræmi við þarfir hennar hverju sinni
Ábyrgð á fræðslu stjórnenda og almennra starfsmanna þ.m.t. móttaka og þjálfun nýliða 
Ábyrgð á að skapa eftirsóknarvert starfsumhverfi og jákvæðan starfsanda, ásamt framkvæmdastjórn 
Ábyrgð á launavinnslu og að kjaratengd mál séu í samræmi við lög, kjarasamninga og verklagsreglur stofnunar
Ábyrgð á jafnlaunakerfi HSS 
Mannauðsstjóri er næsti yfirmaður starfsmanna mannauðsdeildar

Helstu verkefni:
Leiðir stefnumótun og samhæfingu mannauðsmála innan HSS í nánu samstarfi við framkvæmdastjórn
Skipuleggur mannauðsmál og stuðning við starfsmenn og stjórnendur
Vinnur að markvissri starfsþróun í samræmi við þarfir HSS sem byggir á starfsmannasamtölum og skilgreindum starfslýsingum
Skipuleggur menntun og fræðslu starfsmanna og stjórnenda HSS
Styður við stjórnendur hvað varðar nýliðun, ráðningar, gerð starfslýsinga og starfslok
Kemur að gerð stofnanasamninga og hefur samskipti við stéttarfélög fyrir hönd HSS
Ráðgjöf og stuðningur við starfsmenn og stjórnendur tengt kjaramálum og launasetningu
Leiðir mótun jafnréttisstefnu og umsjón með eftirfylgni hennar


Hæfnikröfur
Háskólapróf á sviði mannauðsmála, vinnusálfræði eða sambærileg menntun sem nýtist í starfi
Yfirgripsmikil reynsla af stjórnun mannauðsmála er skilyrði
Þekking og/eða reynsla á sviði opinberrar stjórnsýslu er æskileg
Þekking á kjaraumhverfi hins opinbera er æskileg
Starfsreynsla úr heilbrigðisgeiranum er kostur
Reynsla af þátttöku í mótun og innleiðingu breytinga
Framúrskarandi samskiptahæfni
Frumkvæði og metnaður til að ná árangri í starfi
Sjálfstæði, góð skipulagshæfni og færni til að vinna í hópi
Hæfni til að tjá sig í ræðu og riti


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Í boði er spennandi nýtt starf hjá metnaðarfullri stofnun.

Sótt er um starfið rafrænt á www.hss.is undir Laus störf. 

Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. 

Öllum umsóknum verður svarað og umsækjendum tilkynnt um ráðstöfun starfsins þegar ákvörðun um ráðningu liggur fyrir.
Starfshlutfall er 100%
Umsóknarfrestur er til og með 26.10.2020


Nánari upplýsingar veitir
Markús Ingólfur Eiríksson - [email protected] - 422-0500



Heilbrigðisstofnun Suðurnesja
Skólavegur 6-8
230 Reykjanesbær


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira