Hoppa yfir valmynd
SérfræðistörfHöfuðborgarsvæðíð202010/1630Utanríkisráðuneytð

Lögfræðingur á laga- og stjórnsýsluskrifstofu

Lögfræðingur á laga- og stjórnsýsluskrifstofu


Utanríkisráðuneytið óskar eftir að ráða lögfræðing til starfa á laga- og stjórnsýsluskrifstofu ráðuneytisins. 


Helstu verkefni og ábyrgð
Á laga- og stjórnsýsluskrifstofu reynir á fjölbreytileg lögfræðiverkefni og -ráðgjöf til annarra fagskrifstofa og sendiskrifstofa ráðuneytisins einkum á sviði stjórnsýsluréttar, samningaréttar og þjóðaréttar. Lögfræðileg ráðgjöf vegna öryggis- og varnarmála verður í forgrunni starfsins, en verkefni skrifstofunnar eru á fjölbreyttum sviðum og fela m.a. í sér umsjón með málefnum hafsins og landgrunnsins, lögfræðileg EES-mál, útflutningseftirlit, þvingunarráðstafanir og þjóðréttarsamningar. Þá heyrir mannauðsdeild ráðuneytisins og umsjón ýmissa stjórnsýslumála undir skrifstofuna. 


Hæfnikröfur
Embættispróf eða grunn og meistaragráða í lögfræði.
Þriggja til fimm ára reynsla af lögfræðistörfum á sviði opinberrar stjórnsýslu.
Yfirgripsmikil þekking og reynsla af stjórnsýslurétti.
Þekking á sviði þjóðaréttar, verktakaréttar og reynsla af samningagerð æskileg.
Þekking á starfsmannarétti og upplýsingalögum æskileg.
Þjónustulund, skipulagshæfni og sjálfstæð vinnubrögð. 
Drifkraftur, færni í mannlegum samskiptum og reynsla af teymisvinnu. 
Geta til að vinna í krefjandi vinnuumhverfi og undir álagi. 
Reynsla af alþjóðlegu samstarfi æskileg.
Framúrskarandi vald á íslensku og færni til að tjá sig í ræðu og riti
Mjög góð kunnátta í talaðri og ritaðri ensku, svo og vald á einu Norðurlandamáli.


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna stjórnarráðs hafa gert.
Umsækjendur skulu senda inn ferilskrá (hámark 2 bls.) ásamt mynd og kynningarbréfi (hámark 1 bls.) á íslensku. Umsóknir þar sem kynningarbréf eða ferilskrá eða hvorttveggja vantar, eða eru á erlendum tungumálum, verða ekki teknar til greina.
Við ákvörðun um boðun í starfsviðtöl verður litið sérstaklega til gæða umsóknargagna.
Við ákvörðun um ráðningu verður, auk framangreindra hæfniskrafna, tekið mið af frammistöðu í starfsviðtali og umsagna sem aflað er.
Umsækjandinn sem ráðinn verður þarf áður að gangast undir og standast bakgrunnsskoðun Ríkislögreglustjóra í samræmi við kröfur reglugerðar nr. 959/2012.

Um er að ræða ótímabundna ráðningu með sex mánaða reynslutíma. Æskilegt er að umsækjandi geti hafið störf sem fyrst.
Starfið er háð flutningsskyldu í utanríkisþjónustunni skv. 10. gr. laga nr. 39/1971 um utanríkisþjónustu Íslands. 

Áhugasamir einstaklingar án tillits til kyns eru hvattir til að sækja um starfið. Athygli er vakin á að umsóknir gilda í sex mánuði frá því að umsóknarfresti lýkur. Öllum umsóknum verður svarað þegar ákvörðun um ráðningu hefur verið tekin.

Starfshlutfall er 100%
Umsóknarfrestur er til og með 26.10.2020


Nánari upplýsingar veitir
Anna Ósk Kolbeinsdóttir - [email protected] - 5459900
Anna Jóhannsdóttir - [email protected] - 5459900



Laga- og stjórnsýsluskrifstofa
Rauðarárstígur 25
101 Reykjavík


Smellið hér til að sækja um starf

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira