Hoppa yfir valmynd
StjórnunarstörfHöfuðborgarsvæðíð202010/1622Landspítali

Rekstrarstjóri þvottahúss Landspítala

Rekstrarstjóri þvottahúss Landspítala 


Þjónustusvið Landspítala auglýsir laust til umsóknar fullt starf rekstrarstjóra þvottahúss hjá vöruþjónustu spítalans. Vöruþjónusta Landspítala heyrir undir kjarna aðfanga og umhverfis á þjónustusviði Landspítala. Starfið er laust frá og með 1. desember 2020 eða eftir samkomulagi.

Þvottahús Landspítala sér um þvott, afgreiðslu og endurnýjun á öllu líni fyrir Landspítala. Þar eru þvegin hundruð tonna árlega, meðal annars allur fatnaður starfsfólks og sjúklinga, sængur, koddar og hvers kyns rúmfatnaður. Þvottahúsið rekur jafnframt saumastofu sem sér um viðgerðir og merkingar á líni og einnig nýsaum á hluta af nýju líni.

Rekstrarstjóri þvottahúss er yfirmaður um 50 starfsmanna og ber ábyrgð á daglegum rekstri einingarinnar í samræmi við stefnu og gildi Landspítala. Rekstrarstjóri tekur þátt í þróun og stefnumótun deildarinnar þar sem horft er til framþróunar þjónustu við starfsemi spítalans m.a. í tengslum við byggingu nýrra bygginga Landspítala við Hringbraut.

Leitað er að jákvæðum, lausnamiðuðum og drífandi einstaklingi með reynslu af rekstri og stjórnun þvottahúsa og háskólamenntun sem nýtist í starfi. Umsækjandi þarf að búa yfir mikilli leiðtogahæfni og hafa brennandi áhuga umbótastarfi. Starfið er fjölbreytt og krefjandi og býður upp á lifandi starfsumhverfi og gefandi samstarf.


Helstu verkefni og ábyrgð
» Skipuleggur, stjórnar og ber ábyrgð á daglegri starfsemi og rekstri þvottahússins í samræmi við stefnu og starfsáætlun
» Stuðlar að stöðugum umbótum og framþróun þjónustu
» Ber ábyrgð á að sett markmið náist um góða þjónustu og ábyrgan rekstur
» Stuðlar að jákvæðum starfsanda og starfsumhverfi


Hæfnikröfur
» Leiðtogafærni, örugg framkoma og framúrskarandi hæfni í mannlegum samskiptum
» Háskólamenntun sem nýtist í starfi, t.d. verkfræði
» Reynsla af rekstri og stjórnun þvottahúsa eða framleiðslu æskileg
» Metnaður, frumkvæði og geta til að starfa sjálfstætt og í teymum
» Fagleg vinnubrögð og skipulagshæfni
» Mjög góð tölvu- og greiningafærni


Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Tekið er mið af jafnréttisstefnu Landspítala við ráðningar á spítalanum.

Umsókn fylgi náms- og starfsferilskrá ásamt kynningarbréfi með rökstuðningi fyrir hæfni og sýn á starfið. Öllum umsóknum verður svarað.

Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.


Starfshlutfall er 100%
Umsóknarfrestur er til og með 26.10.2020


Nánari upplýsingar veitir
Arna Lind Sigurðardóttir - [email protected] - 543-6877
Viktor Ellertsson - [email protected] - 543-1517



Þvottadeild
Tunguhálsi 2
110 Reykjavík


Smellið hér til að sækja um starf


 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Vefurinn notar vefkökur til að bæta upplifun notenda og greina umferð um vefinn. Lesa meira