Hoppa yfir valmynd

Verklagsreglur um auglýsingar

Verklagsreglur um auglýsingar

1. Tilgangur og gildissvið

Leiðbeiningar þessar eru fyrir stjórnendur ráðuneyta og stofnana og aðra þá sem koma að auglýsingum um laus störf hjá ríkinu. Þeim er ætlað að lýsa því hvernig haga skuli skilum á auglýsingum um laus störf til Starfatorgsins.

2. Umsjón

Kjara- og mannauðssýsla ríkisins hefur umsjón með Starfatorginu og annast m.a. móttöku auglýsinga og birtingu auglýsinga á vefnum.
Stjórnendur ráðuneyta og stofnana eða starfsmenn í umboði þeirra annast gerð auglýsinga og ákveða inntak þeirra og sjá til þess að senda auglýsinguna til umsjónarmanns Starfatorgsins í gegnum Ráðningarkerfi ríkisins eða með tölvupósti.

3. Framkvæmd

Þegar ráðuneyti eða stofnun auglýsir starf laust til umsóknar, skal senda auglýsingu í gegnum Ráðningarkerfi ríkisins eða á netfang Starfatorgsins ([email protected]) á word eða textaformi . Kjara- og mannauðssýsla setur síðan auglýsinguna á vefsvæði Starfatorgs, gætir að gildistíma auglýsingar (umsóknarfrestur miðast við fyrsta dag birtingar).

4. Inntak auglýsinga

Í auglýsingu er nauðsynlegt að fram komi eftirfarandi upplýsingar:

  1. Hvaða starf og starfssvið er um að ræða. Skal lýsing starfs vera nægjanlega greinar¬góð til þess að mögulegir umsækjendur geti gert sér glögga grein fyrir því í hverju starfið felst.
  2. Starfshlutfall
  3. Stjórnunarlega stöðu starfsins innan stofnunar/ríkisfyrirtækis.
  4. Menntunar- og hæfniskröfur.
  5. Aðrar almennar og sértækar kröfur sem gerðar eru til starfsmanns.
  6. Starfskjör
  7.  Hvenær æskilegt er að starfsmaður hefji störf.
  8. Hvar leita skuli frekari upplýsinga.
  9. Lengd umsóknarfrests.
  10. Hvert umsókn á að berast og á hvaða formi.

5. Tímasetningar

Auglýsingin birtist á vef Starfatorgsins eigi síðar en næsta virka dag eftir að hún berst umsjónarmanni. Gæta skal þess að tilgreindur umsóknarfrestur sé a.m.k. tíu dagar frá birtingu auglýsingar á vefsvæði Starfatorgs og skal ljúka á virkum degi.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum

Þessi síða notar vafrakökur Lesa meira