Hoppa yfir valmynd

70 ára afmæli Mannréttindayfirlýsingar Sameinuðu þjóðanna

Hátíðafundur í tilefni af 70 ára afmæli Mannréttindayfirlýsingar Sameinuðu þjóðanna.

Í tilefni af 70 ára afmæli Mannréttindayfirlýsingar Sameinuðu þjóðanna standa samræðuvettvangur um mannréttindi og stýrihópur Stjórnarráðsins um mannréttindi að hátíðarfundi í Veröld - húsi Vigdísar, mánudaginn 10. desember frá kl. 09:00 - 11:00. 

Mannréttindayfirlýsingin hefur verið og er enn mikilvægt tæki í baráttunni fyrir mannréttindum en hún er undistaða helstu alþjóðasamninga um mannréttindi. Lögin nægja þó ekki ein og sér. Til þess að sækja rétt sinn og virða rétt annarra er mikilvægt að fólk viti hvað felst í mannréttindum en þekking á ákvæðum Mannréttindayfirlýsingarinnar er forsenda réttláts samfélags. 

Komdu og taktu þátt í umræðunni með okkur! Mannréttindayfirlýsingin tilheyrir okkur öllum og það er mikilvægt að standa vörð um þann áfanga sem náðst hefur og styrkja og halda áfram að stuðla enn frekar að virðingu fyrir mannréttindum. 

Dagskrá

9:00 - 9:10 Opnunarávarp, Sigríður Á. Andersen, dómsmálaráðherra 

9:10 - 9:30 Mannréttindayfirlýsingin – Undirstaða mannréttindaverndar í heiminum, Björg Thorarensen, prófessor í lögfræði við Háskóla Íslands

9:30 - 9:35 Hvað getur Ísland lagt af mörkum til að standa vörð um mannréttindi á alþjóðavísu? Guðlaugur Þór Þórðarson, utanríkisráðherra

9:35 - 10:25 Staða mannréttinda á Íslandi og á alþjóðavettvangi 

Pallborðsumræður: Margrét Steinarsdóttir, framkvæmdastjóri Mannréttindaskrifstofu Íslands, Silja Bára Ómarsdóttir, dósent við Stjórnmálafræðideild Háskóla Íslands, Þórlindur Kjartansson, pistlahöfundur hjá Fréttablaðinu, Hanna Katrín Friðriksdóttir, þingkona og Björg Thorarensen, prófessor í lögfræði við Háskóla Íslands.

Umræðustjóri: Þórður Snær Júlíusson, ritstjóri Kjarnans

10:25 – 10:40 Verðlaunaafhending í smásagnasamkeppni vegna 70 ára afmælis Mannréttindayfirlýsingar Sameinuðu þjóðanna

Michael Mann, sendiherra ESB á Íslandi og Vilborg Davíðsdóttir, varaformaður Rithöfundasambands Íslands, kynna sigurvegara smásagnakeppninnar

10:40 – 10:50 Mikilvægi mannréttinda fyrir komandi kynslóðir

Ritstjórn skuggaskýrslu barna til barnaréttarnefndar Sameinuðu þjóðanna
Jökull Ingi Þorvaldsson
Sunneva Björk Birgisdóttir
Einar Hrafn Árnason

10:50 - 11:00 Lokaorð, Katrín Jakobsdóttir, forsætisráðherra

Um kvöldið bjóða Sameinuðu þjóðirnar til ókeypis sýningar á myndinni Hreinsunardeildin (The Cleaners). Myndin verður sýnd í Bíó Paradís (sal 2) kl 20:00.

Myndin beinir sjónum að því hvernig internetið er hreinsað af “óæskilegu” efni. Í myndinni er varpað fram spurningum um hver stjórni netinu og því hvernig við hugsum. Að lokinni sýningu verða umræður um efni myndarinnar með Heiðdísi Lilju Magnúsdóttur, lögfræðingi hjá Fjölmiðlanefnd og Smára McCarthy, alþingismanni. 

Hér má sjá sýnishorn úr myndinni: https://www.youtube.com/watch?v=iGCGhD8i-o4&t=11s

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira