Hoppa yfir valmynd
02.05.2019 10:37 Félagsmálaráðuneytið

Rekstraraðilar sem reka félagsþjónustu og þjónustu við fatlað fólk sæki um starfsleyfi fyrir 27. maí

Sótt er um rafrænt á eyðublaðavef Stjórnarráðsins. - myndMynd: iStock

Félög, félagasamtök, sjálfseignarstofnanir og aðrir þjónustu- og rekstraraðilar sem veita eða hyggjast veita þjónustu samkvæmt lögum um þjónustu við fatlað fólk með langvarandi stuðningsþarfir eða samkvæmt lögum um félagsþjónustu sveitarfélaga, þurfa að afla starfsleyfis félagsmálaráðuneytisins. Gæða- og eftirlitsstofnun félagsþjónustu og barnaverndar sér um útgáfu starfsleyfanna.

Fjallað er um skilyrði starfsleyfa í reglugerð um starfsleyfi til félagasamtaka, sjálfseignarstofnana og annarra þjónustu- og rekstraraðila sem veita þjónustu við fatlað fólk og í reglugerð um starfsleyfi til félaga, félagasamtaka, sjálfseignarstofnana og annarra einkaaðila sem veita félagsþjónustu.

Rekstraraðilum sem eru að hefja starfsemi er skylt  að sækja um starfsleyfi áður en þjónusta hefst. Þeim rekstraraðilum sem voru í rekstri í október síðastliðnum þegar fyrrnefnd lög tóku gildi ber hins vegar að sækja um starfsleyfi innan sex mánaða frá gildistöku reglugerðar um starfsleyfi, eða fyrir lok maí 2019. Sótt er um starfsleyfi rafrænt á eyðublaðavef Stjórnarráðsins

Frekari upplýsingar eru veittar hjá Gæða- og eftirlitsstofnun félagsþjónustu og barnaverndar í gegnum netfangið [email protected] og á vefsvæði stofnunarinnar gef.is.

 

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn


Þessi síða notar vafrakökur Lesa meira