Opin gögn

opnirreikningar.is

Opnirreikningar.is var opnaður í september 2017 með það að markmiði að auka gagnsæi og aðgengi almennings að fjárhagsupplýsingum ríkisins. Á vefnum er unnt að skoða upplýsingar um greidda reikninga ráðuneyta úr bókhaldi ríkisins.

rikisreikningur.is

Gögnin er hægt að skoða á margvíslegan hátt. Þar er að finna almenn yfirlit sem sýna sömu upplýsingar og finna má í útgefnum ríkisreikningi  en einnig er hægt að kafa dýpra og fá upplýsingar niður á kostnaðartegund og sundurliðun á tekjum og gjöldum ríkisins frá og með árinu 2004.

opingogn.is

Allir opinberir aðilar eru hvattir til þess að birta gögnin sín á vefnum sem opin gögn á vefnum opingogn.is.

Með opnum gögnum er ekki aðeins átt við að almenningi sé veittur aðgangur að gögnunum heldur að hver sem er geti notað, umbreytt og deilt gögnunum með hvaða hætti sem er. Markmiðið er að hámarka aðgang og endurnýtingu á opinberum gögnum.

Aðgangur að opinberum gögnum og hvatning til endurnýtingar á þeim getur meðal annars fjölgað nýsköpunarmöguleikum, styrkt atvinnulífið, ýtt undir rannsóknir og aukið traust og gagnsæi í stjórnsýslunni. Í þessu samhengi teljast til opinberra gagna öll gögn sem safnað hefur verið saman, vistuð með skipulegum eða kerfisbundnum hætti af opinberum aðilum og eru eða geta verið birt og varðveitt með rafrænum hætti.

Umsjón vefsins er í höndum Ísland.is. Þeir sem hafa áhuga á að gefa út/birta gögn á opingogn.is hafi samband við [email protected]. Ísland.is er vistað hjá Þjóðskrá Íslands.

Fjallað er um endurnot upplýsinga í VII. kafla í upplýsingalögum, nr. 140/2012.

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn