Áætlun um hættumat og áhættugreiningu vegna eldgosa og hlaupa til norðurs, vesturs og suðurs frá Eyjafjallajökli og vesturhluta Mýrdalsjökuls.
1. júlí 2003
Undanfarið hefur borið talsvert á skjálftavirkni í vestanverðum Mýrdalsjökli og talið er að komið hafi endurtekin kvikuinnskot undir Eyjafjallajökul á síðustu árum. Með þessu hefur verið fylgst af hálfu almannavarnayfirvalda og viðbragðsáætlanir hafa verið gerðar, en þær fyrst og fremst miðast við hugsanleg jökulhlaup til suðurs frá Mýrdalsjökli. Nýlega hafa komið fram við jarðlagakönnun upplýsingar um að stór hlaup hafi komið í Markarfljót vegna eldgosa í vestanverðum Mýrdalsjökli, sem orðið hafa á 1000 – 2000 ára fresti frá lokum síðustu ísaldar.
Starfshópur sérfræðinga hefur á vegum almannavarnayfirvalda fjallað um þetta mál og telur hann hættumat og áhættugreiningu vera nauðsynlegan grundvöll þess að hægt sé að gera raunhæft skipulag almannavarna á svæðinu til verndar lífi og eignum fólks. Jafnframt þurfi að koma á vöktun svæðisins í samræmi við niðurstöður hættumatsins.
Niðurstöður starfshópsins eru birtar hér:
Áætlun um hættumat og áhættugreiningu vegna eldgosa og hlaupa(377k) (minni myndgæði skýringamynda)