Hoppa yfir valmynd
26. janúar 2009 Háskóla-٫ iðnaðar- og nýsköpunarráðuneytið

Hafa áhuga á nýjum sæstreng milli Íslands og Ameríku

Kristján L. Möller samgönguráðherra tók nýlega á móti þremur mönnum frá Bandaríkjunum sem kanna hugsanlega lagningu sæstrengs milli Íslands og Bandaríkjanna. Þeir kynntu ráðherra áform sín en engar ákvarðanir hafa verið teknar.

Fyrirliði hópsins er Steve Cowper, fyrrverandi landsstjóri frá Alaska, en með honum voru Greg Varisco og Íslendingurinn Sighvatur Pétursson. Fjárfestarnir hafa áhuga á að leggja nýjan sæstreng milli landanna og gengur viðskiptahugmyndin meðal annars út á að nýting hans byggist á gagnaverum sem starfrækt yrðu hér á landi. Tveir mannanna voru á ferð hérlendis á liðnu hausti og ræddu þá meðal annars við iðnaðarráðherra.

Með heimsókninni til samgönguráðherra kynntu fjárfestarnir sér aðstæður og innviði fjarskipta hérlendis í því skyni að meta frekar áætlanir sínar og kynningu meðal fjárfesta vestan hafs.


Sæstrengsfjárfestar hjá samgönguráðherra
Frá vinstri: Greg Varisco, Kristján L. Möller og Steve Cowper á skrifstofu samgönguráðherra.


Efnisorð

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum