Skýrsla um áhrif stóriðjuframkvæmda á íslenskt efnahagslíf

Á s.l. ári fól iðnaðarráðuneytið Hagfræðistofnun Háskóla Íslands að skrifa skýrslu um hagrænt mat á áhrifum stóriðjuframkvæmda á íslenskt efnahagslíf. Með þessu verkefni er brugðist við ítrekuðum ábendingum og athugasemdum varðandi áhrif stóriðjuframkvæmda í skýrslum OECD um íslensk efnahagsmál á undanförnum árum. Í skýrslunni er fjallað um tímasetningar stóriðjuframkvæmda og bent á leiðir til hagstjórnar þegar ákvarðanir eru teknar um slíkar framkvæmdir. Skoðaður er þáttur áls í útflutningi, ávinningur og hugsanleg áhætta af starfseminni og metin sveifluáhrif í hagkerfinu. Þá er gerð kostnaðar- og ábatagreining af aukinni álframleiðslu fyrir hagkerfið í heild. Fjallað er um arðsemi orkuverkefna og áhættu íslenskra orkufyrirtækja af auknum virkjunarframkvæmdum og hugsanlegt erlent eignahald í orkufyrirtækjum og virkjunum. Þá er í skýrslunni kafli sem fjallar um lagaumhverfi og stjórn auðlindanýtingar. 

• Áhrif stóriðjuframkvæmda á íslenskt efnahagslíf, skýrslu Hagfræðistofnunar í heild sinni
• Skýrslan á ensku vistuð á enskum hluta vefsíðunnar