Verkefni 2009 - 2013
Út er komið yfirlit verkefna umhverfis- og auðlindaráðuneytis fyrir tímabilið 2009 – 2013. Í yfirlitinu er gert grein fyrir helstu áföngum og viðfangsefnum í starfi ráðuneytisins á tímabilinu.
Meðal annars er fjallað um breytingar á löggjöf á sviði náttúruverndar og mengunarmála, rammaáætlun um vernd og orkunýtingu landsvæða, þjóðgarða og friðlýsingar sem voru fjölmargar á tímabilinu. Farið er yfir málaflokka á borð við loftslagsmál, endurheimt vistkerfa, líffræðilega fjölbreytni, verndun hafsins, samráð og upplýsingar til almennings, norðurslóðamál, skipulag og mannvirki, úrgangsmál og landupplýsingar svo eitthvað sé nefnt.
Yfirlitið er gefið út í rafrænni útgáfu og er að finna hér á vef ráðuneytisins.