Hoppa yfir valmynd
12. nóvember 2016 Dómsmálaráðuneytið

Næsti föstudagur helgaður fræðslu ummannréttindi barna

Næstkomandi föstudagur, 18. nóvember, verður helgaður fræðslu um mannréttindi barna í grunnskólum og framhaldsskólum landsins. Tilgangurinn er að minna á barnasáttmála Sameinuðu þjóðanna en sáttmálinn var undirritaður á allsherjarþingi SÞ 20. nóvember árið 1989.

Innanríkisráðherra, mennta- og menningarmálaráðherra og framkvæmdastjóri Barnaheilla sendu skólastjórnendum grunn- og framhaldsskóla bréf í síðasta mánuði og óskuðu eftir að fjallað yrði þennan dag um mannréttindi barna og mikilvægi þess að börn og fullorðnir þekki barnasáttmálann. Í framhaldi af þessu bréfi hafa skólum nú verið sendar frekari upplýsingar og hugmyndir að viðfangsefnum og verkefnum sem hægt yrði að vinna að í tilefni dagsins.

Barnaheill – Save the Children á Íslandi hafa tekið að sér framkvæmdina og má finna margs konar upplýsingar á sérstöku vefsvæði Barnaheilla:

Sjá einnig upplýsingar um barnasáttmálann:

Efnisorð

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum