Hoppa yfir valmynd
14. nóvember 2017 Innviðaráðuneytið

Minningarathöfn um þá sem látist hafa í umferðinni

Minningarathöfn um þá sem hafa látist í umferðarslysum verður sunnudaginn 19. nóvember klukkan 11 við Landspítalann í Fossvogi í Reykjavík. - mynd

Sunnudaginn 19. nóvember verður minnst þeirra sem látist hafa í umferðarslysum. Athöfn verður haldin við þyrlupall bráðamóttöku Landspítalans í Fossvogi í Reykjavík og hefst hún klukkan 11.

Hliðstæð athöfn hefur verið haldin undanfarin ár í fjölmörgum löndum og hefur verið haldin erlendis allt frá árinu 1993 og er nú haldin hér í sjötta sinn. Að athöfninni standa samgöngu- og sveitarstjórnarráðuneytið í samvinnu við Samgöngustofu og fleiri aðila sem að henni koma. Tilgangurinn er að minnast þeirra sem hafa látist í umferðarslysum og um leið þakka þeim fjölmörgu viðbragðsaðilum og heilbrigðisstéttum sem vinna óeigingjarnt starf þegar slys verða.

Athöfnin er öllum opin og taka þátt í henni fulltrúar lögreglu, björgunarsveita, heilbrigðiskerfisins og samgöngu- og sveitarstjórnarráðuneytisins og að lokinni dagskrá við þyrlupallinn verður gestum boðin hressing í bílskýli bráðamóttökunnar.

Efnisorð

Var efnið hjálplegt?
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn
Ruslvörn
Vinsamlegast svaraðu í tölustöfum