Bréf setts dómsmálaráðherra til dómnefndar um hæfni umsækjenda um embætti átta héraðsdómara
Guðlaugur Þór Þórðarson, settur dómsmálaráðherra vegna skipunar í átta embætti héraðsdómara, hefur sent dómnefnd um hæfni umsækjenda bréf í framhaldi af umsögn nefndarinnar. Ráðherra fékk umsögn hennar í hendur 22. desember síðastliðinn og sendi hann dómnefndinni bréf sitt í dag.
Í bréfinu koma fram athugasemdir setts ráðherra um umsögnina í tíu liðum og telur hann skorta á rökstuðning fyrir niðurstöðum nefndarinnar. Fer hann þess á leit við nefndina að hún útskýri betur með hvaða hætti matið var framkvæmt og hvers vegna tilgreindir átta umsækjendur voru á grundvelli heildarmats taldir hæfari en aðrir umsækjendur.