Hoppa yfir valmynd

85. Skattleggja bifreiðahlunnindi til jafns við venjulegar launatekjur - Árni Davíðsson

Skattleggja bifreiðahlunnindi til jafns við venjulegar launatekjur.

Færa má rök fyrir því að bifreiðahlunnindi séu skattlögð með mun lægri skattprósentu en launatekjur. Það borgar sig því að fá laun greidd sem bifreiðahlunnindi frekar en sem venjuleg laun. Þessi niðurgreiðsla með bifreiðahlunnindum hvetur til meiri bílaeignar og meir aksturs og eykur þar með losun gróðurhúsalofttegunda. Það eru einkum vel launað fólk og toppar hjá fyrirtækjum og stofnunum sem hafa bifreiðahlunnindi og haft oft dýra og eyðslufreka bíla til umráða og hversvegna ætti hið opinbera að niðurgreiða neyslu og akstur þessa hóps?

Lagt er til að gerð verði úttekt á hverju munar og að skattlagning bifreiðahlunninda verði aukin til samræmis þannig að skatthlutfall verði ekki lægra en lægsta skattprósenta launatekna.

Áhrif á loftlagsmál. Ef dregur úr notkun bifreiðahlunninda minnka niðurgreiðslur hins opinbera með bifreiðaeign og akstri og það ætti að draga úr losun gróðurhúsalofttegunda.
Áhrif á launajafnrétti. Draga mundi úr kynbundnu misrétti launa þar sem það eru mun oftar karlar sem hafa bifreiðahlunnindi.

 

kveðja

Árni Davíðsson

Efnisorð

Var efnið hjálplegt?Nei
Takk fyrir

Ábendingin verður notuð til að bæta gæði þjónustu og upplýsinga á vef Stjórnarráðsins. Hikaðu ekki við að hafa samband ef þig vantar aðstoð.

Af hverju ekki?

Hafa samband

Ábending / fyrirspurn


Þessi síða notar vafrakökur Lesa meira