Samgönguráðuneytið auglýsir stöður lögfræðinga
Samgönguráðuneytið hefur auglýst stöður tveggja lögfræðinga með umsóknarfresti til 27. desember. Verkefni annars lögfræðingsins snúast um málefni sveitarfélaga en hins um verkefni á sviði fjarskipta.
Vegna flutnings á málefnum sveitarfélaga til samgönguráðuneytisins um áramótin er auglýst eftir lögfræðingi er sinni lögfræðistörfum á sviði stjórnsýslu, lagafrumvarpa og reglugerða, annist úrskurði og álitsgjöf á sviði sveitastjórnarmála og taki þátt í stefnumörkun í málaflokknum.
Hin staðan varðar lögfræðistörf á sviði stjórnsýslu, lagafrumvarpa og reglugerða, svo og innleiðingu Evrópugerða, stefnumörkun fjarskiptamála og framkvæmd fjarskiptaáætlunar.
Upplýsingar um bæði störfin veita Unnur Gunnarsdóttir, skrifstofustjóri í samgönguráðuneytinu, [email protected] og Ari Eyberg hjá Hagvangi, [email protected].
Umsóknir óskast fylltar út á vefsíðunni hagvangur.is og skal þeim skilað þangað fyrir 27. desember.