Skýrsla um þyrlukaup fyrir Landhelgisgæslu Íslands
Birt hefur verið skýrsla um þyrlukaup fyrir Landhelgisgæslu Íslands. Innanríkisráðherra skipaði stýrihóp í september 2015 til að setja fram tillögur um hvernig haga megi endurnýjun á þyrlukosti Landhelgisgæslunnar sem í dag rekur þrjár stórar björgunarþyrlur, tvær leigðar og eina sem er í eigu Landhelgisgæslunnar.
Skýrslan hefur að geyma greiningu á þörfum Landhelgisgæslunnar miðað við tiltekna kosti um þjónustu hennar. Fjallað er um áætlaða þróun verkefna, rekstrarkostnað miðað við ýmsa kosti í samsetningu þyrlusveitar og fjölda áhafna.